Jomepø Testamento

Yøn Jesús cyojtu Diosis va'cø yajay ndø coja ne nø'pinji'n o'ca ndø va'njamba. Jetse comustøjpa que Diosis chøcpa vøjpø justicia cuando ne vyø'ajcupit yac tzø'ypa jetse ndø ngoja vi'na ndø tzøctamupø. Romanos 3:23

Porque va'cø tø cojapa'tø, tø ca'pa y tø tocopya, y jete ndø coyoja; pero Diosis tø va'ctzi'pa quenguy para mumu jamacøtoya cuando ndø va'njamba ndø Comi Jesucristo. Romanos 6:23

Porque Diosis vyø'ajcupit mi ngyotzoctamu porque mi va'njamdamu ancø que je'is mi yaj cotzoctamu. Ji'n mi ne'c mi ndzøquipit mi ngyotzoctamepø, sino Diosis mi ⁿvya'ctzi'tamu mi ngotzojcuy. Ja mi ngyotzoctam mi ndzøjcu ancø vøjpø tzøqui; por eso ni i'is ji'n mus vyøcotzøc vyin. Efesios 2:8-9

Vyejayaju y ñøjmayaj Jesús: --¡Jesús Maestro, tø to'ya'nøtyam ndøvø øtzta'm! San Lucas 18:13

Porque Diosis algo syuñaj nascøsta'mbø pøn, y por eso tzi'ocuyaj øjtzi tumbø 'Yuneti chønø, va'cø jana tocoy ni iyø o'ca va'njamba øjtzi, sino manba quen mumu jamacøtoya. Porque Diosis cø'vej øjtzi nascøsi ne'c 'Yune chønø va'cø yaj cotzocyaj nascøsta'mbø pøn, ni ji'ntze va'cø man yac tocoyajø. San Juan 3:16-17

Aunque jujche mi ngyomprobatzøctøjpase a ver o'ca manba mi ngyec coja'omo, igual jetseti tzøjquisyajtøjque'tpa aunque iyø. Pero muspa ndø va'njam Dios que ne'c Diosis ji'n tø jajmbø'i. Porque ji'n mi yac tzøjquistøji más que ji'n mi ndone'csye'nomo. Porque cuando mi nchøjquistøjpa, manba mi ngyotzon Diosis va'cø mi nømbutø. 1 Corintios 10:13

Jetcøtoya viyunse muspøjtzi que Diosis nunca ji'n tø tzaque. O'ca tø ca'pa, o'ca tø quenba Diosis tø sunba. Angelesis ji'n mus tø yac tzu'nø Dioscø'mø; ni angui'mbapø'is, ni pømi'øyupø'is ni yatzita'mbø'is, ni minbapø'støc ni møjipø'is, ni cø'møpø'is, ni jutipø jomectøjupø'is, ji'n mus tø nø putø Diosis cuenta'nomo. Mumu jamase tø sunba Diosis ndø Comi Cristo Jesusji'n. Romanos 8:38-39

Porque o'ca ndø va'njamba Cristo, vyøjom tø putpa y angui'mocuy ja itø'am øtzcøtoya, cøjtupømete. Romanos 10:4

Porque Dios nømu: Vøjpø hora mi ngøma'nøyøjtzi. Jic jama'omo cuando muspa'ctøc mi ngyotzoca, jicsye'c øtz o mi ngotzove. Tzøjcay cuenda que yøtipø jama ijtutøc hora; tzøjcay cuenda que ijtutøc hora va'cø mi me'tz cotzojcuy. 2 Corintios 6:2

Myanajujcam chamuse Pedro'is, toyaj choco'yomo, y nøjayaj Pedro eyata'mbø apostolesji'n: --Tøvøy, ¿ti vøjø va'cø ndø tzøctamø? Pedro'is nøjayaju: --Qui'psvitu'tamø, nø'yøtamø tumdum pøn mitzta'm Jesucristo'is nøyicøsi va'cø cyøtocotyam mi ngoja, y manba mi mbøjcøchondam Masanbø Espiritu Santo Diosis ø sunchi'papø. Hechos 2:37-38

Entonces como jomepø tucu ndø mespase, jetse hay que va'cø mi jomengotzøc mi ⁿvin como Diosis syunbase, porque Diosis tø jomecotzøcpa va'cø tø it como ñe'c Diosis syunbase viyunsepø masa'najcu'yomo. Efesios 4:24

Romanos

Yøn Jesús cyojtu Diosis va'cø yajay ndø coja ne nø'pinji'n o'ca ndø va'njamba. Jetse comustøjpa que Diosis chøcpa vøjpø justicia cuando ne vyø'ajcupit yac tzø'ypa jetse ndø ngoja vi'na ndø tzøctamupø. Romanos 3:23

Jetse ijtu jachø'yupø: Ja it ni tumø vøjpø pøn. Ni i ja pyut vøjø Diosis vyi'nandøjqui. Romanos 3:10

Porque va'cø tø cojapa'tø, tø ca'pa y tø tocopya, y jete ndø coyoja; pero Diosis tø va'ctzi'pa quenguy para mumu jamacøtoya cuando ndø va'njamba ndø Comi Jesucristo. Romanos 6:23

Tzi' cuenta que tumbø pø'nis chøquipit cojapa'jtzo'tznømu nascøsi, y cyoja'is chøquipit ca'tzo'tznømu; y hasta como yøti ca'yajpa mumu, porque mumu cojapa'tyaju. Romanos 5:12

Porque cuando ja itønan jujche va'cø ndø yaj cotzoc ndø vin, cuando nu'c 'yora, Cristo'is tø coca'tamu cuando tø yatzitzocota'mdøc. Romanos 5:6

Pero Cristo'is tø coca'tamu cuando tø cojapa'tamu'ctøc, y jetse Diosis tø yac mustamu jujche tø sunbase. Romanos 5:8

Y Diosis yac visa'u Jesucristo pyømiji'n va'cø yac mustøjø que ne' 'Yunete. Masanbø Espiritu Santoji'n yac visa'u Diosis cuando ca'u'cam. Romanos 1:4

Porque ndø mustamba que Cristo visa'u después que ca'u, y ji'n ma vyøcoca'que'te, ji'nam mus chøjcay ni tiyø ca'cu'is. Romanos 6:9

Ndø ndza'manvactamba que o'ca mi ndzamba mi annacapit que Cristo mi Ngomite, y o'ca mi va'njamba mi ndzoco'yomo que Diosis yac visa'u Cristo cuando ca'ujcam, manba mi ngyotzoque. Romanos 10:9

Porque nømba: "Mumu vya'cpapø'is cotzojcuy ndø Comi'is nøyicøsi, manba cotzocyaje". Romanos 10:13

Jetcøtoya viyunse muspøjtzi que Diosis nunca ji'n tø tzaque. O'ca tø ca'pa, o'ca tø quenba Diosis tø sunba. Angelesis ji'n mus tø yac tzu'nø Dioscø'mø; ni angui'mbapø'is, ni pømi'øyupø'is ni yatzita'mbø'is, ni minbapø'støc ni møjipø'is, ni cø'møpø'is, ni jutipø jomectøjupø'is, ji'n mus tø nø putø Diosis cuenta'nomo. Mumu jamase tø sunba Diosis ndø Comi Cristo Jesusji'n. Romanos 8:38-39

Ø Jandata'm tzajpom mi ijtupø'is

Ø Jandata'm tzajpom mi ijtupø'is, yaj cøna'tzøjay mi nøyi. Minø mi angui'moya. Yac tucø mi sunbase; jujche tzajpomo, jetze nascøs yac tucø. Tø tzi'tam tumdum jama ndø jamangøtcuy. Tø yaj cotocotyamø ø ngoja, jujche øtz ⁿyaj cotocotya'mbøjtzi ti tzøjcatya'mbøjtzi aunque i'is. O'ca yatzipø'is tzøjquista'mbøjtzi va'cø jujche yaj cojapajtamø, uy tø yac mandam jeni, sino tø yaj cotzoctam jana tø nuc yatzipø'is. Porque mijtzi angui'mopyapø myøja'nombø, y vøj va'cø mi vøngotzøctam øjtzi mumu jamacøtoya. San Mateo 6:9-13