Stiidxa Dios Didxazá

De irá xixé nu biché' nu, ne qué iquiiñe nin tobi de laanu nezalú Dios. Romanos 3:23

Purti ni riaxa pecadu nga enda guti, peru ni rudii Dios nga enda nabani ni qué zaluxe, pur Cristu Jesús Señor stinu. Romanos 6:23

Pur enda nacha'hui stibe bilá be laatu, ne bi'ni be ni purti bini cre tu, ne cadi pur xiixa ni bi'ni tu, sínuque de laabe zeeda ni. Iruti qué zalá pur ni guni, ti qué chu' tu udxiiba laca laa. Efesios 2:8-9

Peru stobi que zuhuaa zitu, nin para nindisa lú ibá' qué na', sínuque caguibi ná ladxidó', na: "Biá naa, Dios, purti nabé huachee'," San Lucas 18:13

Purti nadxii xhaata Dios binni guidxilayú ngue runi bidii tobi lucha Xiiñi', ti irá tu guni cre Xiiñi be que la? cadi initilú sínuque gapa enda nabani ni qué zaluxe. Biseenda be Xiiñi be guidxilayú cadi para udxiiba donda ique binni, sínuque para ilá binni pur laa. San Juan 3:16-17

Irá binni ridi'di enda naná ni cadi'di tu ca. Peru jneza runi Dios, ne qué zudii lugar gueeda xiixa luguiá tu ni qué zanda gua tu, sínuque laga zacané laatu tidi tu ni ora idxiña tu ni, ti ganda gua tu ni. 1 Corintios 10:13

Nanna dxi'che gasti zanda uxhele laanu de Dios ni nadxii laanu: nin enda guti, nin enda nabani, nin ángel, nin binidxaba', nin ni ridu'ya nu yanna ri', nin ni gueeda ru', nin ni nuu ibá', nin ni nuu xaguete', nin gasti ru de irá ni bizá' Dios qué zanda uxhele laanu de Dios ni nadxii laanu, purti bisihuinni be pabiá' nadxii be laanu pur ni bi'ni Jesucristu Señor stinu. Romanos 8:38-39

Dede beeda Cristu ma qué riquiiñe ley, purti cadi ra guni cabe ni na ley nga ixá stonda cabe, sínuque ra guni cre cabe laabe. Romanos 10:4

Purti sicarí cá lu Xqui'chi be ra caní' né be binni: Bigaanda stidxi tu naa, dxi pe ma nuaa para ucaa dia'ga laatu, ne ucaniá laatu dxi ma gudixhe ula'ya binni. Nga na be. Ne dxandí ma bidxiña dxi acané be binni, ne yanna ri nga na be ulá be laaca'. 2 Corintios 6:2

Ora bina diaga cabe xi na Pedru, ucaná ladxidó' cabe ne rabi cabe Pedru ne xcaadxi apóstol que: --Yanna xi guni du ya', bichi ca'. Para na Pedru rabi laacabe: --Lainaba perdón Dios ne lachuu nisa para ihuinni ma xpinni Cristu laatu. Zacá zaca perdonar ni huachee tu ne zudii Dios laatu Espíritu Santu. Hechos 2:37-38

Naquiiñe ibani tu modo naguixhe Dios ne usihuinni tu dxandí ma adxé laatu yanna, purti ma nayá xpida tu ne runi tu ni jneza. Efesios 4:24

Romanos

De irá xixé nu biché' nu, ne qué iquiiñe nin tobi de laanu nezalú Dios. Romanos 3:23

Ndi nga ni cá lu Xqui'chi Dios: Iruti binni runi jneza, nin pe tobi. Romanos 3:10

Purti ni riaxa pecadu nga enda guti, peru ni rudii Dios nga enda nabani ni qué zaluxe, pur Cristu Jesús Señor stinu. Romanos 6:23

Pur tobi hombre biuu enda ruchee ndaani guidxilayú, ne guti be purti bichee be, ne zacá ucuá enda guti que irá xixé binni, purti laca bichee ca'. Romanos 5:12

Ca dxi pe caqui'ñe nu chu' tu acané laanu, ula'qui Dios gati Cristu para ulá cani ruchee. Romanos 5:6

Peru Dios huaxa rusihuinni pabiá' nadxii laanu purti neca cuché' né nu laa chiqué, biseenda Cristu guti pur laanu. Romanos 5:8

o gabi nu Jesucristu Señor stinu. Pur Espíritu sti Dios ni napa be biasa be de lade gue'tu ne stale enda nandxó', ne zacá bihuinni Xiiñi Dios laabe. Romanos 1:4

Nanna nu ma biasa Cristu de lade gue'tu', ma qué zati ru', ma qué zanda guni mandar enda guti laabe. Romanos 6:9

Purti pa iní' lu Jesús nga xpixuaana irá xixé, ne guni cre lu de idubi ladxidó' lo dxandi undisa Dios laabe de lade gue'tu la? zalá lu'. Romanos 10:9

Purti zacá cá lu Xqui'chi be: "Tutiica inaba lu Señor ilá la? zalá." Romanos 10:13

Nanna dxi'che gasti zanda uxhele laanu de Dios ni nadxii laanu: nin enda guti, nin enda nabani, nin ángel, nin binidxaba', nin ni ridu'ya nu yanna ri', nin ni gueeda ru', nin ni nuu ibá', nin ni nuu xaguete', nin gasti ru de irá ni bizá' Dios qué zanda uxhele laanu de Dios ni nadxii laanu, purti bisihuinni be pabiá' nadxii be laanu pur ni bi'ni Jesucristu Señor stinu. Romanos 8:38-39

Bixhoze du ni nuu ibá'

Bixhoze du ni nuu ibá', rinaba du gusisaca irá binni lii. Ne idxiña dxi guni mandar lu' ne gaca ni na lu'. Cásica raca ni ibá', zaqueca gaca ni ndaani guidxilayú. Dané laadu endaró tidi né du dxi. Bisiaanda ni ruché' né du lii, casi rusia'nda du ni ruchee né cabe laadu. Ne cadi udiiu lugar cuba yu binidxaba laadu, sínuque bilá laadu de lu ná be. Purti lii nga jma nandxó' lo' ne jma risaca lu que irá xixé, ne qué ziuu dxi guiaana dxi lu de guni mandar lu'. Amén. San Mateo 6:9-13