Yu'un scotolic jsa'muliletic. Nom oyic ta stojol ti Jcoltavanej Diose. Romanos 3:23

Ti mulile, ja' no'ox stojol ta xac' ti ta xijbatotic ta lajebale. Pero ti matanal ti ta xac' ti Diose, ja' jcuxlejaltic sbatel osil ta sventa ti jech junotic schi'uc ti Cajvaltic Jesucristoe. Romanos 6:23

Yu'un ta sc'uxul yo'nton ti Diose, jech lacolic ta sventa ti ach'unojic ti Cajvaltique. Ti jech lacolique, ma'uc ta sventa ti oy c'usi lec laj apasique. Yu'un ja' laj spas stuc ti Diose. Jech o xal un, mu'yuc buch'u xu' ta stoy sba ti jech colemique, ja' ti mu'yuc laj sta scolel ta sventa ti oy c'usi laj spas ti stuque. Efesios 2:8-9

Yan ti jc'anpatantaq'uine ta patil no'ox tey nijil icom ta q'uexlal. Mi ja'uc jutebuc ta stoy muyel sat ta vinajel. Ja' no'ox tey laj smajolan ti sti' yo'ntone. Jech laj yal: "Dios, c'uxubinun, yu'un jsa'mulilun", xi. San Lucas 18:13

Yu'un ti Diose ep laj xc'uxubin ti cristianoetique. Jech o xal laj yac' talel ti jun no'ox Snich'one. Buch'uuc no'ox ti ta xch'unic ti ja' Jpojvanej yu'unique, mu xch'ayic. Ta sta scuxlejalic sbatel osil. Ti Diose mu yu'unuc laj stac talel ti Snich'one yo' tal yac'be stoj smul ti cristianoetique. Ja' tal scolta. San Juan 3:16-17

Ti jech ta xavich' avocolic yu'un ti lajeltsaele, mu yanuc. Co'ol s'elan jech chac c'u cha'al ta xa'iic scotol ti ya cristianoetique. 1 Corintios 10:13

Jech o xal jna' lec ti mu'yuc c'usi xu' ta xisch'acotic loq'uel ta sc'uxul yo'nton ti Diose. Mi ja'uc ti ta xijchame, mi ja'uc ti cuxulotic to li'e, mi ja'uc ti ángeletique, mi ja'uc ti pucujetic ti tsots xu' yu'une, mi ja'uc ti c'usi ta xc'ot ta jtojoltic ta ora li'e, mi ja'uc ti c'usi ta to xtale, mu xu' yu'unic. Mi ja'uc ti c'usi oy ta vinajele, mi ja'uc ti c'usi li' ta banomile, mi ja'uc jun ta scotol ti c'usi laj smeltsan ti Diose, ti jech xu' ta xisch'acotic loq'uel ta sc'uxul yo'nton ti Dios ti laj xa yac' ta ilel ta sventa ti Cajvaltic Jesucristoe. Romanos 8:38-39

Yu'un ja' no'ox ta sventa Cristo yo' jech ta xich' tael ti lec xij'ilat yu'un ti Diose. Ma'uc ta sventa smantal ti Moisese. Buch'uuc no'ox ti ta xch'unic ti Cristoe ta staic ti lec x'ilatic yu'un ti Diose. Romanos 10:4

Yu'un jech ta xal ti Dios ti ts'ibabil ta sc'ope: C'alal yorail ti laj ac'anbun ti coltaele, laj ca'i ac'op. C'alal laj ava'i ti coltael cu'une, laj jcoltaot, xi. Avi tana un, ja' xa yorail, ja' xa sc'ac'alil ti ta xcoltavan ti Diose. 2 Corintios 6:2

C'alal jech laj ya'iic taje, jech o xal lic ya'iic ta yo'ntonic ti oy smulique. Jech lic sjac'beic ti Pedroe schi'uc ti yan jcholc'opetique: --Jchi'iltac, ¿c'usi sc'an ta jpascutic? --xiic. Jech laj stac' ti Pedroe: --Ictaic ti chopol avo'ntonique. Sutanic talel ta stojol ti Diose. Ich'ic vo' ta sventa ti Jesucristoe yo' jech ta xa'ac'batic perdón yu'un ti amulique. Hechos 2:37-38

C'u'inic ti ach' cuxlejale jech chac c'u cha'al oy ta yo'nton Diose. Vinajuc ti lec tuc' ta q'uelel ti acuxlejalique, ti co'oluc schi'uc ti melele. Efesios 4:24

Romanos

Yu'un scotolic jsa'muliletic. Nom oyic ta stojol ti Jcoltavanej Diose. Romanos 3:23

Yu'un jech ta xal ti sc'op Diose: Mu'yuc buch'u lec, mi ja'uc junuc. Romanos 3:10

Ti mulile, ja' no'ox stojol ta xac' ti ta xijbatotic ta lajebale. Pero ti matanal ti ta xac' ti Diose, ja' jcuxlejaltic sbatel osil ta sventa ti jech junotic schi'uc ti Cajvaltic Jesucristoe. Romanos 6:23

Ti jech ilic ti mulil li' ta sba banomile, ilic ta scoj jun vinic. Jech o xal un, ta xijchamotic, ja' ti vo'otic jsa'mulilotique. Romanos 5:12

C'alal mu xa xu' jcolta jba jtuctique, ja' o yorail tal chamuc ti Cristo ta scoj ti jsa'muliletique. Romanos 5:6

Pero ti Diose laj yac' ta ilel ti sc'uxul yo'ntone. Ja' ti laj yac' ta milel ti Cristo ta jcojtic c'alal jsa'mulilotique. Romanos 5:8

Pero ivinaj ti mu'yuc smule, ti ja' Snich'on ti muc'ul Diose, ja' ti icha'cuxie. Romanos 1:4

Yu'un jna'tic lec ta sventa ti j'ech'el icha'cuxi ti Cristoe, mu xa ta xcham yan velta. Yu'un laj xa sc'oplal ti ta to xcham yan veltae. Romanos 6:9

Yu'un ti mi ta xloc' ta ave ti ja' Avajval ti Jesuse, ti mi ta xach'unic ti icha'cuxesat yu'un Dios ti Jesucristoe, ta xacolic. Romanos 10:9

Yu'un jech ono'ox ta xal ti ts'ibabil ta sc'op Diose: "Scotol ti buch'utic ta sc'anbeic vocol ti Cajvaltique, ja' ta xcolic", xi. Romanos 10:13

Jech o xal jna' lec ti mu'yuc c'usi xu' ta xisch'acotic loq'uel ta sc'uxul yo'nton ti Diose. Mi ja'uc ti ta xijchame, mi ja'uc ti cuxulotic to li'e, mi ja'uc ti ángeletique, mi ja'uc ti pucujetic ti tsots xu' yu'une, mi ja'uc ti c'usi ta xc'ot ta jtojoltic ta ora li'e, mi ja'uc ti c'usi ta to xtale, mu xu' yu'unic. Mi ja'uc ti c'usi oy ta vinajele, mi ja'uc ti c'usi li' ta banomile, mi ja'uc jun ta scotol ti c'usi laj smeltsan ti Diose, ti jech xu' ta xisch'acotic loq'uel ta sc'uxul yo'nton ti Dios ti laj xa yac' ta ilel ta sventa ti Cajvaltic Jesucristoe. Romanos 8:38-39

Dios Totil

Dios Totil, ti oyot ta vinajele, ich'biluc ta muc' ach'ul bi cu'uncutic. La' ventainuncutic. C'otuc ta pasel ti c'usi ta sc'an avo'nton li' ta banomile jech chac c'u cha'al ta xich' pasel tey ta vinajele. Ac'buncutic ti jve'elcutic ti xtun cu'uncutic avi c'ac'ale. Ac'buncutic perdón yu'un ti jmulcutique jech chac c'u cha'al ta xcac'becutic perdón ti buch'u laj xa sa' smul ta jtoljolcutique. Pojuncutic, mu me xavac'uncutic ta lajeltsael yu'un ti pucuje. Yu'un jelavem amuc'ul oy alequilal, ta xapas mantal sbatel osil. Jechuc. San Mateo 6:9-13

Gálatas