Jiosh Wechij O'ohana

Wehs hemajkam at hab juh g pi ap'ekam k pi am hu ais g Jiosh hab elitha. Romans 3:23

Hegam mat hab wo junihith g pi ap'ekam at ab wo ai g s-ko'ok e-namkithadag. T wabshaba hegam mat ab wo i e thagito t-kownalim Jesus Christ wui ab wo bei g pi ha huhugetham thoakag. Romans 6:23

Ab at i s-t-ho'ige'el g Jiosh k t-tho'ibia natt pi ab i s-wohoch. Pi att wo sha'i t-nako machs hejel wo t-tho'ibia. Chum hems g t-wohochuthadag o d mahkigdaj. P i o am hu ha'ichug machs haschukaj wo chum si t-gimaihunath no pi pi hejel hab d t-juni machs hekaj t-tho'ibia. Ephesians 2:8-9

"K wabshaba hegai hema ga hu wabsh mehk kehk ch pi e nako mas ab wo uhgk i nea thahm kahchim wui no pi si e sho'igchuth. Ith o hab kaij, "Jiosh, ab g si i s-ni-ho'ige'ith ahni pi ap'ekam hemajkam." Neh, bo kaij hegai hema." Luke 18:13

Pegih neh, ab o si t-tatchua g Jiosh ch hiwigi g e-alithag mat am i e thagito k e muhkith am t-wehhejed mach d pi ap chu'ijkam. Kut pi wo bei g s-ko'ok e-namkithadag matp hedai ab wo hiwig k wabshaba g pi ha huhugetham thoakag wo bei. Jiosh at am cheha g e-alithag mat in wo i wuhsh jewed thahm k wo ha tho'ibia g hemajkam. Kut pi heg hekaj in i wuhsh mas ab wo ha'ichu t-mohto'i. John 3:16-17

Wehs hegai a'appema mo ab t-aihim o chum hedai ab a'ahe. K wabshaba g Jiosh hab kaij matsh wo t-nuhkuthath ch heg hekaj pi hiwgith mas wo t-a'appe am thahm matt he'es wo i t-nako ch ab t-mahkch g gewkthag matt wo nakog k wo t-tho'ibia heg amjed. I Corinthians 10:13

S-mahch ani mat pi hekith ha'ichu wo sha'i e nako hemuch o gm hu t-ba'ich mas an wo shohbi g Jiosh pihk elithadag ab t-wui mattp hebai wo i k ith thahm jewed o in t-thahm. Pi at g muhkig o g thoakag wo shohbi, ni'is g anghil o g s-ta ehbithamkam gewpkthag. Ab o t-chehgithch g t-kownalig Jesus Christ mo t-hekaj si pihk e elith g Jiosh. Kut pi hekith ha'ichu wo sha'i e nako mas an wo shohbi g pihk elithadaj. Romans 8:38-39

ab s-wohog elithch g Jiosh chehanig. K wabshaba g Jiosh am t-chehgithch matt ab wabsh wo i s-wohoch g s-kehg ha'ichu ahgaj k ab wo i hiwigi g Christ. T heg am wo i t-ap'ech am tahgio. Romans 10:4

Bo chu'ig an Jiosh heki hu o'ohana ed mo hab kaij g Jiosh: "Ab ant wo em-kaiham k wo em-tho'ibia mat hekith wo i e ai g tho'ibiathag tash. Isiaiah 49:8" Pegih neh, e at ai hegai tash mamt wo e tho'ibia. Kuch si s-hemajim am em-ahgith am wehhejed g Jiosh mamt pi wo heki wua g hemajimataligaj. II Corinthians 6:2

Kush si s-ko'okam pi ap e tahtk g hemajkam am i kaiok ch hab kaij ab ha wui hegam Peter, "Ih, tt has wo t-juh, t-naipijju?" Sh had kaij g Peter ab ha wui, "Hehe'ejel g gm hu wo s-ohhoth g pi ap e-chegitoi k wo e pahl-wapko ab chehchegch g Jesus Christ. Kut gm hu hab wo i juh g Jiosh g pi ap em-chu'ichig. T amjed wo si em-wehmajkath g Hekia S-ap'ekam Gewkthag nash pi g Jiosh hab kaij mat ab wehsijj wo ha mah g Hekia S-ap'ekam Gewkthag hegam mat ab wo i ha wai e wui." Acts 2:37-39

Jiosh o ab t-mahkch g wechij thoakag. K ihtha thoakag wepo masma mo g Jiosh thoakag ch am e chehgithch mo heg wa'i tatchua s-ap'ekam. Am g wo himath g e-wechij thoakag ch am wabsh wo thagito g pi ap'ekam. Ephesians 4:24

Romans

Wehs hemajkam at hab juh g pi ap'ekam k pi am hu ais g Jiosh hab elitha. Romans 3:23

An o hab chu'ig Jiosh o'ohana ed: Pi o hedai o'othham d sha'i s-ap'ekam Romans 3:10

Hegam mat hab wo junihith g pi ap'ekam at ab wo ai g s-ko'ok e-namkithadag. T wabshaba hegam mat ab wo i e thagito t-kownalim Jesus Christ wui ab wo bei g pi ha huhugetham thoakag. Romans 6:23

Ab atsh ha'ichu cheha g Jiosh hegai mo d wehpeg o'othham ch hab chehgig Adam. Tsh heg mulin k hab i shonwuich g pi ap'ekan jewed thahm. Tsh hekaj am i shonwua muhkig. Tsh g Jiosh pi hab ep juh g chehanig am hugkam matsh an i wuhsh g Mosesbad. Sh eda wehsijj hab wua g pi ap'ekam. Kush heg hekaj g muhkig wehsijj ab ha a'ahe, chum as pi mulin g chehanig hab masma matsh wa g Adambad. Romans 5:12-14

Thach wa pi ap chu'ijkam ch pi ha gewkthag machs hab wo juh ha'ichu matt hekaj am wo i t-ap'ech. T wabshaba g Jiosh am i ap'ech mat g alithaj e muhkith am t-wehhejed. Romans 5:6

Kuch eda d wa chum pi ap chu'ijkam. T g Jiosh am t-chehgi mo he'es ab si i t-tatchua am i ap'echuthk mat g alithaj am t-wehhejed muh k gm hu hab i juh g pi ap t-chu'ichig. Romans 5:8

Kutsh g Jiosh ab i wuhshath g Jesus Christ muhkig amjed am i thahm matsh e muhkith k hab masma ab t-chehgithch mo d alithaj ch d hekia s-ap'ekam. Romans 1:4

Pi at hekith ep wo muh g Christ mat wa uhpam ep e chegito. Muhkig o pi am hu thahm gewkthag. Romans 6:9

Am g wo wohokamchuth mo g Jesus d em-kownalig ch ab uhpam e chegito muhkig amjed. T g Jiosh wo em-tho'ibia. Romans 10:9

Bo chu'ig g Jiosh o'ohana: Mat hedai ab wo s-wohochuth k wo e tho'ibia. Romans 10:13

S-mahch ani mat pi hekith ha'ichu wo sha'i e nako hemuch o gm hu t-ba'ich mas an wo shohbi g Jiosh pihk elithadag ab t-wui mattp hebai wo i k ith thahm jewed o in t-thahm. Pi at g muhkig o g thoakag wo shohbi, ni'is g anghil o g s-ta ehbithamkam gewpkthag. Ab o t-chehgithch g t-kownalig Jesus Christ mo t-hekaj si pihk e elith g Jiosh. Kut pi hekith ha'ichu wo sha'i e nako mas an wo shohbi g pihk elithadaj. Romans 8:38-39

T-ohg Jiosh

T-ohg Jiosh, an ap kihthag thahm kahchim ch ed. Kuch ab si has m-elith ch si ha'ichuchuth g m-chehgig. Ab ach m-tahni mapt wo i ge'ethaj g e-kownaltalig ia t-shahgith mat g m-tatchui am hab wo e junihith ia jewed thahm hab masma mo an hab e wua m-kihthag ed. Ab g i s-t-ho'ige'ith k ab wo t-mahkath g ha'ichu hugi wehs tashkaj. Gam g hu hab i juhni g pi ap t-chu'ichig hab masma mach gm hu pi chechegitod g ha-chu'ichig hegam mat hedai pi ap has chu'i ab t-wui. Pi g am hiwgith g Jiawul mas am wo t-shul pi ap'ekam ch ed. [Ahpi ap d kownal wehs ha'ichu thahm ch wehs edgith g gewkthag. Kutt ab wo si has m-elithath chum hekith.] Matthew 6:9-13