E Lashi Viasta

Ke savorhe bezexale le, ai dur si katar lesko skepimos. Romanuria 3:23

Ke e pochin le bezexeski si e martia; numa e podarka le Devleski kai si dini ivia si o traio kai chi mai getolpe le Jesus Kristosa amaro Del. Romanuria 6:23

Ke pala lashimos sanas skepime pala pachamos, ai kodo skepime chi avel tumendar, numa e podarka le Devleski si, nai vov si pala so kerel o manush, saxke te na luvudilpe khonik. Efesiana 2:8-9

O manush kai chidelas e taksa, beshelas mai dur, chi tromalas te vazdel le iakha karing o cheri, numa marelaspe ande kolin, ai phendia, "O Devla te avel tuke mila anda mande kai sim bezexalo." Luk 18:13

O Del drago sas e lumia, ai wo tradia peske ieke shaves, kashke kon godi kai pachalpe ande leste te na xaiil, numa te avel les o traio kai chi mai getolpe. Ke O Del chi tradia peske shaves ande lumia te del kris la lumia, numa e lumia te sai avel skepime lestar Yovano 3:16-17

Chi iek zumaimos chi kerdiol tumenge te na sai rhevdila: numa O Del kai si chacho, chi mekel te aven zumade mai but sar sode si e zor, numa kana kerdilia amenge vari so, wo lasharel le dieluria te anklia avri anda kodo nasulimos, kashte te sai rhevdisaras les. Pervo Korintiana 10:13

Ke pachav ma ke kanchi nashtil te duriarel amen katar e dragostia le Devleski; chi e martia, chi o traio; chi le angeluria, chi iek aver zor, vai putiera chereske; chi so si akana ai chi so avel; chi e zor kai si opre, chi e zor kai si tele - ai chi iek aver diela kai si, kanch shoxar nashtila te duriarel ame katar e dragostia le Devleski kai dia ame O Del ando Jesus Kristo amaro Del. Romanuria 8:38-39

Ke o Kristosi kai getolpe o zakono te kerel te aven vorta angla Del kodola kai pachanpe. Romanuria 10:4

O Del mothol, "Ashundem tute kana avili e vriama, o dies le skepimasko zhutisardem tu." Eta, akana e vriama e lashi, adies o dies le skepimasko! Duite Korintiana 6:2

Kana ashunde kado divano, lengo ilo sas azbado, ai phende le Petreske ai kolaver apostlonge, "Murhe phral, so keras?" O Petri phendia lenge, "Kein tume anda tumare bezexa, ai swako anda tumende te avel boldo ando anav le Jesus Kristosko pala iertimos tumare bezexengo, ai avela dino O Swunto Duxo. E Buchi le Apostolengo 2:37-38

Len pe tumende o nevo traio, kai si kerdo te miazol po Del ai sikadiol ando traio o chacho ai vuzho kai anel o chachimos. Efesiana 4:24

Romanuria

Ke savorhe bezexale le, ai dur si katar lesko skepimos. Romanuria 3:23

Sar si ramome ande Vorba le Devleski, "Nai chi iek manush kai si vorta, nai, chi iek. Romanuria 3:10

Ke e pochin le bezexeski si e martia; numa e podarka le Devleski kai si dini ivia si o traio kai chi mai getolpe le Jesus Kristosa amaro Del. Romanuria 6:23

O bezex avilo ande lumia pala iek manush o Adam; ai o bezex andia e martia; ai kadia e martia aresli sa le manushen, ke savorhe kerde bezexa! Romanuria 5:12

Inker kana nas ame zor, O Del mulo le bezexalenge, e vriama kai sas thode katar O Del. Romanuria 5:6

Numa O Del sikadia amenge sode leske drago amen; o Kristo mulo amenge kana inker samas bezexale! Romanuria 5:8

Ai sas thodino Shav Devlesko putierasa pala Swunto Duxo, ai katar lesko zhuvindimos mashkar le mule. Romanuria 1:4

Zhanas ke o Kristo zhuvindisailo andal mule, ai nashti mai merel; ke e martia ma nai la putiera pe leste. Romanuria 6:9

kodia vorba si e viasta le pachamoski kai phenas, anda cho mui mothos angla savorhenge ke O Jesus si O Del, ai te pachasa tu ande cho ilo ke O Del andia les katar e martia ka traio, avesa skipime. Romanuria 10:9

Kon godi kai akharel po anav le Devlesko avela skepime. Romanuria 10:13

Amaro Dat kai san ando rhaio

'Amaro Dat kai san ando rhaio, te avel cho anav ankerdo swunto. Chi amperetsia te avel. Chi voia te kerdiol pe phuv sar ando rhaio. De amen adies amaro manrho sar swako dies. Iertisar amare bezexa, sar vi ame iertis kodolen kai keren bezexa karing amende. Na mek ame te zhas ando zumaimos, numa skepisar ame katar o nasul iek. Ke tute si e amperetsia, e putiera, ai o barimos zhi pon godi.' 'Amen' Mate 6:9-13

Ande kodia vriama iek baro manush kai busholas Ceasar Augustus dia ordina te dikhen sode narodo sas ando them. Kana jinde le narodos e pervo data kana inker aver manush kai busholas Cyrenius sas baro pe them kai busholas Syria. Savorhe gele te ramonpe ando foro kai kerdiol. O Josef gelotar anda kado foro Nazareth kai sas ande Galilee te zhal ande Judea, andek foro kai busholas Bethlehem, kai kerdilo o amperato David. Ke wo sas andai vitsa le Davidoski. Gelo vi wo te ramol pe la Mariasa, kodia kai sas tomnime pala leste. Woi azhukerelas iek glata, kana sas ando Bethlehem e vriama avili kai o shav trobulas te kerdiol. O Shav kerdilo, o pervo andai lake glate, pachardia les andel poxtan ai thodia les ande liagano pel suluma ke nas than lenge ando hotelo. Ande kodo foro sas pastuxuria kai nakhavenas e riat pel kimpuria te garaven le bakriorhan. Ek angelo le Devlesko sikadilo lenge, ai o barimos le Devlesko strefial pe lende: ai won daraile, Numa o angelo phendia lenge, "Na daran! Ke me anav tumenge ek lashi viasta, kai raduila zurales sa le narodos. Kadia dies ando foro le Davidosko ek skepitori kerdilo, wo si o Kristo le Devles. Sar te prinzharen les arakhena iek tsinorho kai si pachardo andel poxtan ai ande liagano." Strazo angelosa but aver angeluria anda cheri luvudinas le Devles ai mothonas, "O barimos ka Del ke si ando rhaio, ai leski pacha dinila pe phuv kal manush kai si leske drago!" Kana le angeluria geletar katar le pastuxuria te zhantar ando rhaio, le pastuxuria denas pe duma mashkar pende, "Aven ando Bethlehem ke trobul te dikhas so si so O Del phendia amenge." Grebisaile te zhan ai kotse arakhle la Maria ai Josefos, ai dikhle o tsinorho kai sas ande liagano. Kana dikhle les phende so phendiasas lenge o angelo pai glata. Savorhe kai ashunde le pastuxuria chudisaile so phendesas lenge. Numa e Maria garavelas kodola dieli ande peske goji ai delas pe goji ande peste. Porme le pastuxria geletar palpale khere, jilabenas pa drom o barimos le Devlesko ai naisinas leske anda so ashunde ai dikhle; ke swako diela kerdili sar o angelo phendiasas lenge. Luk 2:1-20