Mbudi Zongwa

Yeeyi navenye kwa zona, makura uyerere waKarunga yiyo va u pira. vaRoma 3:23

Yeeyi mfeto zononzo nomfa, nye uhwi wonkenda waKarunga yiwo mwenyo gwanarunye mwaJesus Kristusa, Hompa gwetu. vaRoma 6:23

Monkenda zaKarunga yimo mwa parukira, morwepuro. Eyi kapisi yanyamweni, uhwi waKarunga, kapisi morwayirugana yanyamweni, neisi mu linenepeka. vaEfesi 2:8-9

Muteresi age kwa sikeme ure nakauke, nekeguru si kapi ga here kutara ko, nye ta litoona ponturo, ta tanta asi, "Karunga, fira nge nkenda, ame munanzo!" Rukasa 18:13

Yeeyi Karunga kwa here uzuni unene-nene, yiyo ga u pere Munwendi gelike a huru, asi nkenye ogu a mu pura a dire kuzonauka, nye a kare nomwenyo gwanarunye. Yeeyi Karunga kapi ga tumina Munwendi asi, a ya u pangure, nye asi uzuni u parukire mwendi. Johanesa 3:16-17

Kutupu eheteko eli ali mu gwana, lya hana asi gaaga ga hwa kugwana vantu. Karunga mulimburukwi, age nokumutarerera si asi ga mu gwane maheteko aga ga pitakana nonkondo deni, nye kumwe nomaheteko age kumuwapaikira evega lyokugahenduka, mu vhure kugadiinina po. 1 vaKolinte 10:13

Nye ame kwa yi diva nawa-nawa asi, nayimwe si yokutugusa mo meharo lyaKristusa: nonomfa si deedi nomwenyo si novaengeli si nomapangero si ndi nonkondo donompepo, noyininke si yantani neyi si yokomeho. Neyi si yekeguru neyi si yokonhi-nhi, nasimwe si poyisitwa nayinye esi sokutugusa mo meharo lyaKarunga eli twa kara nalyo mwaJesus Kristusa, Hompa gwetu. vaRoma 8:38-39

Nye Kristusa yiga ga hagesesa Veta, asi nkenye ogu ana kumupura va mu hungameke. vaRoma 10:4

Yeeyi Karunga kwa tanta asi: "Posiruwo sosiwa na ku zuvha, ano posiruwo separuro na ku kwafa." Tareni, siruwo sosiwa naina; tareni, siruwo separu naina! 2 vaKolinte 6:2

Tupu va di zuvha vantu, tadi va tu konomutjima, makura tava pura Peturusa novapostoli vakwawo asi: "Ngapi omu natu rugana, vakwetu?" Peterusa ta va tantere asi: "Litezurureni namuvenye, mu likuhwire medina lyaJesus Kristusa, va mu dongwenene po nonzo deni, ntani ngomu tambura uhwi woMpepo zoKupongoka. Yirugana 2:37-38

Guseni muntu gomupe, ogu va unga a kare sihwi saKarunga, ogu a lihorora moukaro ou wa hungama, awo wa pongoka. Ukaro wangoso mousili au tundu. vaEfesi 4:24

vaRoma

Yeeyi navenye kwa zona, makura uyerere waKarunga yiyo va u pira. vaRoma 3:23

Moomu va tjanga asi: "Kutupu oku muhungami, nampili gonzambo." vaRoma 3:10

Yeeyi mfeto zononzo nomfa, nye uhwi wonkenda waKarunga yiwo mwenyo gwanarunye mwaJesus Kristusa, Hompa gwetu. vaRoma 6:23

Nzo, muntu gumwe tupu ga zi reta mouzuni. Ano nzo zendi kwa reta mo nomfa. Nomfa yiyo da lihanena movantu mudima, morwa vantu navenye kwa zona. vaRoma 5:12

Apa twa kere twa hana nonkondo, yipo ga fililire Kristusa vadinikarunga poruveze oru ga pangere Karunga. vaRoma 5:6

Nye Karunga kwa tu likida asi kwa tu hara unene mwangesi asi, apa twa kere tu vananzo, Kristusa yipo ga tu fililire. vaRoma 5:8

Pokumuvhumbura koufe Mpepo zoKupongoka kwa mu horora nononkondo dononene asi age MunwaKarunga. vaRoma 1:4

Yeehi twa diva asi, Kristusa moomu va mu pindura koufe, kapi nga fa hena, nomfa kutupu hena nonkondo dokumupangera. vaRoma 6:9

Nsene o tongonona Hompa Jesus nokana, ove hena o pure momutjima goge asi, Karunga kwa mu pindura koufe, Karunga ngano nga ku parura. vaRoma 10:9

Yeeyi kwa tjanga asi, "Nkenye ogu a kugu edina lyaHompa, kumuparura." vaRoma 10:13

Nye ame kwa yi diva nawa-nawa asi, nayimwe si yokutugusa mo meharo lyaKristusa: nonomfa si deedi nomwenyo si novaengeli si nomapangero si ndi nonkondo donompepo, noyininke si yantani neyi si yokomeho. Neyi si yekeguru neyi si yokonhi-nhi, nasimwe si poyisitwa nayinye esi sokutugusa mo meharo lyaKarunga eli twa kara nalyo mwaJesus Kristusa, Hompa gwetu. vaRoma 8:38-39

Guhyetu gemeguru. Edina lyoge ava li pongore. Uhompa woge au wize. Mpango zoge ava zi zikise mo pevhu ngwendi meguru. Tu pa naina nondya detu dankenye ezuva. O tu dongwenene po nonzo detu, moomu atu dongwenene po nose wononzo detu. Walye o tu twara momaheteko, nye o tu popere koudona. Mateusa 6:9-13