Le Tumben Nupt'an

tumen tulacloob kebanchajoob, ma' u chucpachtmaoob u nojbeenil Jajal Dios, Romanos 3:23

Tumen quimil u boolil keban, baale' u sibal Jajal Dios cuxtal minaan u xul tio'lal Cristo Jesus, c-Yumtzil. Romanos 6:23

Tumen tu yo'lal sibal-utzil tocaan yanileex tu yo'lal ocsaj-olal; lela' ma' ti teex u tal, baale' u sibal Jajal Dios; ma' tu yo'lal meyajoob, uti'al ma' u nojbalcunscuba mixmac. Efesios 2:8-9

Baale' le publicano nach waalacbal, mix u kat caach u likes u yich caanal, baale' cu loxic u tzem, tan u yaalic: Jajal Dios, Ch'aa ten otzilil, aj-kebanen. San Lucas 18:13

Tu yo'lal tu sen yabiltilac Jajal Dios yokolcabe', tu dzaj u juntulili' Pal, uti'al tulacal le max cu yocsic u yol tie', ma' u saatal, baale' ca yanac ti' cuxtal minaan u xul. Tumen Jajal Diose' ma' tu tuxtaj u Pal yokolcab uti'al ca u xotkint yokolcabi', baale' uti'al ca toococ yokolcab tio'lal leti'. San Juan 3:16-17

Mix jump'el tuntaj-ol talajaan ti teex wa ma' jebix le cu tal ti winique', baale' Jajal Diose' chucaan u yol, ma' bin u p'at u tuntaal a woleex mas ti le cu pajtal a mukyajtiqueex; mailie' bin u dza jokbal pa'te' yetel le tuntaj-olo' uti'al ca patac a mukyajtiqueex. 1 Corintios 10:13

Tumen jach in wojel mix quimil, mix cuxtalil, mix angeloob, mix yumtziloob, mix pajtaliloob, mix le bejlae'been baaloob, mix le baaloob bin talacoob, mix le caanalbeenilo', mix le cabalbeenilo', mix ulak betbi baalo' bin patac u lu'scoon tu yacunaj Jajal Dios, le yan ti Cristo Jesus, c-Yumtzilo'. Romanos 8:38-39

Tumen u xul le aalmajt'ano' Cristo, uti'al tiibil-olal ti tulacal le max cu yocsaj-oltic. Romanos 10:4

Tumen cu yaalic: Tu kinil kambeenil tin wuuyajech, tu kinil tocsajil tin wantajech. Jetuna', bejlae' u kinil kambeenil' jetuna', bejlae' u kinil tocsajil. 2 Corintios 6:2

Le ca tu yuuboob tun lela', yajchaj yol u pucsikaloob, ca tu yaalajoob ti Pedro yetel ti u chucan aj-tuchi'ob: Xibi-lakeex, ¿baax bin c-bete? Ca tu yaalaj Pedro ti'ob: Sutkaj ca tuculeex, ocjaanaqueex ta jujuntulileex tu kaba' Jesucristo uti'al u saasajil kebanoob; bin a kameex xan u sibalil Quiliich Pixan. Hechos 2:37-38

yetel ca bucpajqueex ti tumben winiquil, le betaan jebix Jajal Dios ti u jajil tiibil-olal yetel quiliichil. Efesios 4:24

Romanos

tumen tulacloob kebanchajoob, ma' u chucpachtmaoob u nojbeenil Jajal Dios, Romanos 3:23

Jebix dzibaanile': Minaan aj-tiibilbej, minaan mix juntul; Romanos 3:10

Tumen quimil u boolil keban, baale' u sibal Jajal Dios cuxtal minaan u xul tio'lal Cristo Jesus, c-Yumtzil. Romanos 6:23

Bey tuno', jebix tio'lal juntal mac oc keban yokolcab, beyxan tio'lal kebane' quimil; beya' le quimila' man ti tulacal macoob, tumen tulacloob kebanchajoob. Romanos 5:12

Tumen caaliquil caach minaan u muk c-ole', Cristo quim tu kinil tio'lal aj-kakas-oloob. Romanos 5:6

Baale' Jajal Diose' cu sen chicbesic toon u yacunaj, tumen caaliquil aj-kebanoone', Cristo quim t-o'lal. Romanos 5:8

le max, iquil caaput cuxlajic ichil le quimenoob, dzab kajoltbil letie' u Pal Jajal Dios yetel pajtalil tio'lal u quiliichil u pixan. Romanos 1:4

Tumen c-o jele', cu dzoocol u caaput cuxtal Cristo ichil quimenoobe', ma' tu caa quimil; le quimilo' ma' bin yanac u pajtalil tu caaten yokol leti'. Romanos 6:9

Wa yetel a chi' ca cantic Jesus a Yumtzile', wa yetel a pucsikal ca wocs ta wol li'saab tumen Jajal Dios ichil quimenoobe', bin yanac tech tocsajil. Romanos 10:9

Tumen tulacal max cun ch'aachiitic u kaba' Yumtzile', bin toococ. Romanos 10:13

Tumen jach in wojel mix quimil, mix cuxtalil, mix angeloob, mix yumtziloob, mix pajtaliloob, mix le bejlae'been baaloob, mix le baaloob bin talacoob, mix le caanalbeenilo', mix le cabalbeenilo', mix ulak betbi baalo' bin patac u lu'scoon tu yacunaj Jajal Dios, le yan ti Cristo Jesus, c-Yumtzilo'. Romanos 8:38-39

C-Yum yanech tej caano'

C-Yum yanech tej caano', quiliichcuntaac a kaba'. Talac toon a ajawil. Betaac a wolaj jebix tej caano', beyxan ti le luuma'. Dza toon bejelae' u wajil sansamal. Saates toon c-p'axoob jebix xan toon c-saasic le c-aj-p'axoob. Yetel ma' a p'atic c-lubul ti tuntaj-ol, baale' tocoon ti tulacal kas; tumen ati'al le ajawilo' yetel le pajtalilo' yetel le nojbeenilo' uti'al jaaboob minaan u xul. Ca beyac. San Mateo 6:9-13

Sijic Jesus

Caj uch ti le kinoobo', jok u yaalmajt'an Augusto Cesar ca dzibtaac u kaba' tulacal u cajnaliloob luum. Le yax dzibi-kaba' betaab caaliquil Cirenio u jalachil Siria. Cu binoob caach tulacaloob uti'al ca dzibtaac u kaba'ob, jujuntul ti u cajal. Caj luk Jose tu luumil Galilea ti u cajil Nazaret, caj bin t u luumil Judea tu cajal David cu yaalaal Belen, tumen ti u nail yetel ti u ch'iibal David u tal; uti'al ca dzibtaac u kaba' yetel Maria u yatan, max yetel u nuucmaj caach u dzoocolubel, xleti' kojaan caach ti champal. Caj uch caaliquil tianoob telo', kuch u kinil u sijsaj Maria. Ca tu sijsaj u yax pal, ca tu badz-tep'aj yetel jajay nok, ca tu chicuntaj tuux cu tzentaal wacax, tumen ma' yanji cuchil uti'aloob ti u nail uula'ob. Yan caach aj-cananoob tilie luumo', tan caach u canantcoob u tamanoob ti u p'il-ichiloob le akab. Jetuna' juntul u angel Yumtzil chicpaj ti'ob, yetel ba'pachtaaboob tumen u sasjomeenil u nojbeenil Yumtzil, ca yanchaj nojoch sajquil ti'ob. Baale' le angel tu yaalaj ti'ob: Ma' sajactaleex, tumen jetuna' quin dzic teex u maalob pectzilil nojoch quimacolal uti'al tulacal caj. Dzooc u sijil ati'aleex bejlae' tu cajal David juntul Aj-tocsajil, Cristo Yumtzil. Lela' jump'el u chiculal ti teex, bin a nuptanteex le champal badz-tep'aan yetel jajay nok, chicunsaan tuux cu tzentaal wacax. Tu seblaquil tianji yetel le angel jump'el u nojoch much'cabil u cajnaliloob caan, tan caach u quiqui't'antcoob Jajal Dios, tan u yaalicoob: Nojbeenil ti Jajal Dios tu caaniloob, yetel jedzel yo' luum, maalob olaj ti winicoob. Uch, le caj lukoob le angeloob ticnaloob uti'al u bimbaloob caan, le aj-cananoob tu yaalajoob tu batziloob: Cooneex tun tac Belen uti'al c-ileex le baax dzooc u yuchula', le xan dzooc u betic c-ojeltic Yumtzil. Alcabil talicoob, ca tu nuptantoob Maria yetel Jose, beyxan le champal chicunsaan tuux cu tzentaal wacax. Le ca tu yiljoobe', tu betoob u yojeltaal le baax aalaab ti'ob tio'lal le champal. Tulacal le maxoob tu yuubajoobe' jaak yoloob tio'lal le baax cu yaalaal ti'ob caach tumen le aj-cananoob. Baale' Maria tu taacaj tulacal le baalooba', tan u sen tuclic tu pucsikal. Le aj-cananoob sunajoob, tan u nojbeencunscoob yetel tan u quiqui't'antcoob Jajal Dios tio'lal tulacal le baloob tu yuubajoob yetel tu yilajoob, jebix uchic u yaalaal ti'ob. San Lucas 2:1-20