Seghea.com Bible

Chixjunileb xe'macob ut inc'a' neque'xc'ul li lok'al li naxq'ue li Dios. Rom. 3:23

Lix tojbal rix li mac, a'an li camc. Aban li matan naxq'ue ke li Dios, a'an li junelic yu'am sa' xc'aba' li Kacua' Jesucristo laj Colol ke. Rom. 6:23

Yal nak xepab li Jesucristo ut colbilex chic. Abanan yal xban rusilal li Dios nak colbilex. Macua' xban êyehom êbanuhom. Yal êmatan ban xban li Dios. Ma ani chixnimobresi rib xban nak macua' xban êyehom êbanuhom nak colbilex. Ef. 2:8-9

Abanan laj titz'ol toj najt quixq'ue chak rib ut quixxulub lix jolom. Yô chixtenbal li re xch'ôl chi ruk' xban xrahil xch'ôl ut quixye: -At inDios, lain aj mac. Chacuuxtana taxak cuu, chan. Lk. 18:13

Li Dios c'ajo' nak quixraheb li cuanqueb sa' ruchich'och' nak quixq'ue li Ralal junaj chi ribil re nak chixjunileb li ani te'pabank re inc'a' te'sachk. Tacuank ban xyu'ameb chi junelic. Li Dios inc'a' quixtakla chak li Ralal sa' ruchich'och' chixtenebanquil li tojba mac sa' xbêneb li cuanqueb sa' ruchich'och'. Quixtakla ban chak re nak sa' xc'aba' a'an te'colek'. Jn. 3:16-17

Moco jalan ta chic li alêc nequec'ul laex chiru li neque'xc'ul chixjunileb. Abanan li Dios tîc xch'ôl. A'an inc'a' nocoxcanab chi alêc cui inc'a' takacuy xnumsinquil. A'an ban natenk'an ke chixcuybal xnumsinquil. 1 Cor. 10:13

Ninnau chi tz'akal nak mac'a' naru taisînk ke riq'uin lix rahom li Dios. Li camc inc'a' naru torisi riq'uin lix rahom chi moco li c'a'ak re ru nakac'ul sa' li kayu'am. Eb li ángel inc'a' naru toe'risi chi moco eb li cuanqueb xcuanquil sa' ruchich'och', chi moco lix cuanquil li c'a'ak re ru chi musik'ejil. Li c'a'ak re ru nakac'ul anakcuan inc'a' naru torisi riq'uin xrahom li Dios chi moco li c'a'ak re ru tachalk. Li c'a'ak re ru cuan takec', chi moco li c'a'ak re ru cuan tak'a sa' ruchich'och' inc'a' naru torisi riq'uin lix rahom li Dios. Chi yal, mac'a' naru taisînk ke riq'uin lix rahom li Dios. Quixc'ut chiku nak nocoxra nak quixq'ue li Jesucristo chi camc re kacolbal. Rom. 8:38-39

Nak quic'ulun li Cristo sa' ruchich'och', quirake' xc'anjel li chak'rab li quiq'uehe' re laj Moisés xban li Dios. Ut chixjunileb li te'pabank re li Cristo te'tîcok' xch'ôleb chiru li Dios. Rom. 10:4

Jo'ca'in tz'îbanbil sa' li Santil Hu: Nak xcuulac xk'ehil, xayaba inc'aba' ut xatcuabi. Sa' xk'ehil xc'ulbal li colba-ib, xatintenk'a, chan li Dios. (Isa. 49:8) Jo'can nak lain ninye êre nak anakcuan xk'ehil xc'ulbal li rusilal li Dios. Anakcuan ajcui' naru texcolek'. 2 Cor. 6:2

Nak que'rabi a'an li ch'utch'ûqueb aran, que'yot'e' xch'ôleb ut que'xye re laj Pedro jo' ajcui' reheb li apóstol li jun ch'ol chic: -Ex kas kîtz'in, ¿c'a'ru takabanu? chanqueb. Laj Pedro quichak'oc ut quixye reheb: -Chiyot'ek' êch'ôl ut jalomak êc'a'ux ut tacubsîk êha' chi junjûnkalex sa' xc'aba' li Jesucristo re nak tixcuy êmac li Dios ut tixq'ue êre li Santil Musik'ej. Acts 2:37-38

Ac'obresinbilak lê yu'am ut chexcuank taxak jo' naraj li Dios. Santakex ut chabilakex xban nak nequenau chic lix yalal. Ef. 4:24

Rom.

Chixjunileb xe'macob ut inc'a' neque'xc'ul li lok'al li naxq'ue li Dios. Romans 3:23

Jo' tz'îbanbil sa' li Santil Hu: Ma ani tîc xch'ôl chiru li Dios. Yal ta jun. Rom. 3:10

Lix tojbal rix li mac, a'an li camc. Aban li matan naxq'ue ke li Dios, a'an li junelic yu'am sa' xc'aba' li Kacua' Jesucristo laj Colol ke. Rom. 6:23

Jo'ca'in nak quiticla li mac sa' ruchich'och', yal xban jun chi cuînk aj Adán xc'aba'. Ut xban li mac cuan li camc ut chixjunileb neque'cam xban nak chixjunileb xe'macob. Rom. 5:12

ao inc'a' naru nakacol kib yal kajunes. Abanan quicuulac xk'ehil nak quicam li Kacua' Jesucristo re kacolbal lao aj mac. Rom. 5:6

A'ut li Dios naxc'utbesi chiku nak k'axal nocoxra xban nak toj aj maco chak nak quicam li Cristo sa' kac'aba'. Rom. 5:8

Li Kacua' Jesucristo a'an tz'akal Dios. Numtajenak lix santilal. Riq'uin lix nimal xcuanquil, li Dios quixcuaclesi cui'chic chi yo'yo sa' xyankeb li camenak re xc'utbal chiku nak a'an tz'akal Ralal li Dios. Romans 1:4

Lao nakanau nak li Jesucristo quicuacli cui'chic chi yo'yo sa' xyankeb li camenak. Li Cristo inc'a' chic tacamk xban nak mac'a' chic xcuanquil li camc sa' xbên. Rom. 6:9

Cui riq'uin xtz'ûmal acue tach'olob xyalal nak li Jesús a'an li Cristo li Ralal li Dios, ut cui tapab chi anchal ach'ôl nak li Dios quicuaclesin cui'chic re chi yo'yo sa' xyankeb li camenak, tatcolek'. Rom. 10:9

Jo'ca'in tz'îbanbil sa' li Santil Hu: Yalak ani tayabank re xc'aba' li Kacua', a'an tacolek'. Rom. 10:13

Mt. 6:9-13

Ut laex jo'ca'in nak textijok: At Kacua', cuancat sa' li santil choxa, lok'oninbilak taxak la santil c'aba'. Chichalk ta la nimajcual cuanquilal. Chi-uxk ta li nacacuaj, jo' sa' choxa jo' ajcui' sa' ruchich'och'. Chaq'ue taxak ke li kacua kuc'a chi cuulaj cuulaj. Ut chacuy chasach ta li kamac jo' nak nakacuyeb xmac li neque'macob chiku. Ut moaq'ue taxak chi alêc. Choacol ban chiru li inc'a' us. acue li nimajcual cuanquil, li lok'onîc ut li lok'al chi junelic k'e cutan. Jo'can taxak. Mt. 6:9-13

Ps 23

Li Kacua' Dios, a'an li nac'ac'alen cue; mac'a' tapaltok cue. A'an naxq'ue chixjunil li c'a'ru nacuaj jo' jun li pastor naril chi us lix carner. Naxc'am lix carner sa' li na'ajej bar cuan cui' li chabil pach'aya' ut naxq'ueheb chi hilanc. Chire li tuktûquil ha' naxq'ueheb chi uc'ac. Li Kacua' Dios, a'an tixc'ojob inch'ôl. Tinixberesi sa' li be re tîquil ch'ôlej sa' xc'aba' lix rahom. Usta chanchan nak yôquin chi numec' sa' jun na'ajej k'ojyîn ut k'axal xiu xiu xban li raylal li yôk chi chalc sa' inbên, lain inc'a' tinxucuak xban nak laat cuankat cuiq'uin. Laat taq'ue xcacuil inch'ôl jo' nak li pastor naxcoleb lix carner riq'uin lix bar ut lix xuk'. Niquinaq'ue chi cua'ac chiruheb li xic' neque'iloc cue. Nacaq'ue li sununquil ban sa' lin jolom. K'axal numtajenak xsahil inch'ôl nacaq'ue. Chanchan nak yô chi hoyec' lin sec' xban xnujenakil. Relic chi yal nak li rusilal ut li ruxtan li Kacua' tacuank cuiq'uin chixjunil li cutan chalen toj sa' lin camic. Ut sa' rochoch li Kacua' Dios tincuank chi junelic k'e cutan.

Sa' eb li cutan a'an li acuabej César Augusto quixq'ue jun li chak'rab re nak chixjunileb li tenamit te'ajlak ut te'xq'ue xc'aba'eb chi tz'îbac. A'in li xbên sut nak que'xtz'îba xc'aba'eb li tenamit. A'an quic'ulman nak cuank laj Cirenio chi taklanc sa' li na'ajej Siria. Chixjunileb que'côeb xq'uebaleb xc'aba' chi tz'îbac. Ac sa' xtenamiteb li junjûnk que'côeb chixtz'îbanquileb lix c'aba'. Laj José qui-el sa' li tenamit Nazaret li cuan sa' xcuênt Galilea ut cô Belén li cuan xcuênt Judea. A'an xtenamit li rey David. Aran cô xban nak a'an xcomoneb li ralal xc'ajol laj David. Aran quixq'ue xc'aba' chi tz'îbac rochben lix María li ac tz'amanbil xban. Lix María ac yaj aj ixk. Nak ac cuanqueb aran Belén quicuulac xk'ehil nak tayo'lak lix c'ula'al. Ut quiyo'la li xbên xc'ula'al, quixlan sa' t'icr ut quixyocob sa' xna'aj xcuaheb li cuacax xban nak mac'a' xna'ajeb sa' eb li ochoc Nach' riq'uin li tenamit Belén cuanqueb aj ilol xul yôqueb chixc'ac'alenquil lix quetômk chi k'ek. Mac'a' sa' xch'ôleb nak xakamil jun x-ángel li Kacua' chiruheb. Ut quisakeno' chi xjun sutam li cuanqueb cui'. Ut eb laj ilol xul c'ajo' nak que'xucuac. Abanan li ángel quixye reheb: -Mexxucuac xban nak lain xinchal xyebal êre jun chabil esilal. A'in jun sahil ch'ôlej chok' reheb chixjunileb li tenamit. Anakcuan xyo'la jun laj Colol êre sa' lix tenamit laj David ut a'an li Cristo li Kacua' li yechi'inbil xban li Dios. Jo'ca'in nak têtau. Li c'ula'al lanbil sa' t'icr ut yocyo sa' xbên li q'uim sa' xna'aj xcuaheb li cuacax. A'in li retalil nak a'an li têtau, chan li ángel. Ut sa' junpat que'chal nabaleb chic li ángel sa' choxa. Yôqueb chixlok'oninquil li Kacua' ut yôqueb chixyebal: -Chinimak taxak xlok'al li Kacua' Dios li cuan sa' choxa ut chicuank taxak li tuktûquilal sa' xyankeb li cristian li rarôqueb xban li Dios.- Nak ac xcôeb li ángel sa' choxa, eb laj ilol xul que'oc chixyebal chi ribileb rib: -Yôkeb Belén ut takil chak li c'a'ru xc'ulman, li xtakla xyebal ke li Kacua', chanqueb. Côeb sa' anil ut que'xtau lix María rochben laj José ut li c'ula'al yocyo sa' xna'aj xcuaheb li xul. Ut nak ac xe'xtau, que'xserak'i reheb li c'a'ru quiyehe' reheb chirix li c'ula'al. Ut chixjunileb li que'abin re li c'a'ru que'xye laj ilol xul, sachsôqueb xch'ôl que'cana. Ut lix María quixc'ûla sa' xch'ôl chixjunil li c'a'ru quic'ulman ut yô chixc'oxlanquil rix. Ut chirix chic a'an eb laj ilol xul que'suk'i sa' lix na'ajeb. Yôqueb chixlok'oninquil ut yôqueb chixnimanquil ru li Kacua' riq'uin li c'a'ru que'rabi ut que'ril xban nak chixjunil li que'ril, a'an jo' li quiyehe' reheb. Lk. 2:1-20

My thanks to Wolfgang Kuhl for supplying this information.