Bibl'ye

Car touos ont péché et sont liains d'la glouaithe dé Dgieu. Romains 3:23

Car l'salaithe du péché, ch'est la mort, mais l'don dé Dgieu, ch'est la vie êtèrnelle en Jésû-Christ, not' Saûveux. Romains 6:23

Car ch'est par la grâce qu'ous avez 'té sauvés, par la fouai, et chennechîn n'veint pon d'vous - ch'est l'don dé Dgieu. Ch'n'est pon par l's oeuvres, à seule fîn qu'pèrsonne n'en sait ordgilleux. Êphésiens 2:8-9

Et l'mouaissonneux d'taxe, ayant prîns sa pliaiche au liain, né l'vait pon même les ièrs au ciel, mais s'tapait l'estonma, en disant, "O Dgieu, ai pitchi sus mé, un pécheur." St.-Luc 18:13

Dgieu, en êffet, n'a pon env'yé san Fis dans l'monde à seule fîn qu'i' condamne lé monde mais à seule fîn qu'lé monde sait sauvé par li. Lé chein tchi crait en li n'est pon condamné; mais lé chein tchi n'crait pon est dêjà condamné, pa'ce qu'i' n'a pon creu au nom du seul Fis dé Dgieu. St. Jean 3:16-17

Ou n'avez 'té mîns à autcheune êpreuve sauf chette-chîn tch'est ès hoummes, et Dgieu, tch'est fidèle, n'allouétha pon qu'ou séyiz mîns à l'êpreuve au d'là d'vos forches, mais auve l'êpreuve il en r'graie la vaie hors à seule fîn qu'ou piêssiez la supporter. 1 Corîntchiens 10:13

Car j'ai l'asseûthance qué ni la mort ni la vie, ni l's anges ni les pouvièrs, ni les choses d'achteu ni les choses à v'nîn, ni la hauteu, ni la profondeu, ni autcheune aut' criatuthe né s'sa capabl'ye d'nos s'pather dé l'amour dé Dgieu tch'est en Jésû-Christ, not' Saûveux. Romains 8:38-39

Car Christ est la fîn d'la louai, pouor la justice à touos les cheins tchi craient Romains 10:4

Car i' dit, "J't'ai êcouté à la bouanne heuthe, et j't'ai aîdgi au jour du salut. Né v'chîn achteu la bouanne heuthe, né v'chîn achteu lé jour du salut. 2 Corîntchiens 6:2

Et quand i' ouïtent chennechîn, lus tchoeurs fûtent troubliés, et i' dîtent à Pièrre et ès aut's apôtres, "Messieurs, nos fréthes, tch'est qu'j'allons faithe?" Et Pièrre lus dit,"Répent'ous, châtchun d'vous, et séyiz baptîsis au nom d'Jésû-Christ, pouor l'pardon d'vos péchés, et ous èrchév'thez l'don du Saint Esprit." L's Actes des Apôtres 2:37-38

et à r'mett' lé nouvel houmme, créé s'lon Dgieu dans la justice et la sainteté d'la véthité. Êphésiens 4:24

Êpitre ès Romains

Car touos ont péché et sont liains d'la glouaithe dé Dgieu. Romains 3:23

S'lon l'êcrituthe, i' n'y'a pon d'juste, pas même un tout seu. Romains 3:10

Car l'salaithe du péché, ch'est la mort, mais l'don dé Dgieu, ch'est la vie êtèrnelle en Jésû-Christ, not' Saûveux. Romains 6:23

Né v'chîn pouortchi, viyant qu'lé péché entrit dans l'monde par un seul houmme, et par l'péché la mort, et d'chutte manniéthe à touos l's hoummes la mort s'pâssit, car touos ont péché Romains 5:12

Car, quand j'mantchions acouo d'forche, à la bouonne heuthe Christ mouothit pouor nous Romains 5:6

Mais l'Bouan Dgieu nos mouontre Sén amour par chennechîn: j'tions acouo des pécheurs, mais Christ mouothit pouor nous Romains 5:8

Tchi 'tait mèrtchi coumme lé Fis dé Dgieu en pouvé s'lon l'Esprit d'sainteté par sa résurrection d'siez les morts, Jésû-Christ, not' Saûveux. Romains 1:4

Sachant qué Christ êl'vé des morts n's'en va pus mouothi. La Mort n'a pus d'pouvé sus Lî. Romains 6:9

Si tu confêsses dé ta bouoche lé Seigneu Jésû, et si tu crais dans tan tchoeu qu'lé Bouan Dgieu l'êl'vit d'siez les morts, tu s'sas saûvé Romains 10:9

Car autchun tchi f'tha un appel au nom du Seigneu s'sa saûvé Romains 10:13

Car j'ai l'asseûthance qué ni la mort ni la vie, ni l's anges ni les pouvièrs, ni les choses d'achteu ni les choses à v'nîn, ni la hauteu, ni la profondeu, ni autcheune aut' criatuthe né s'sa capabl'ye d'nos s'pather dé l'amour dé Dgieu tch'est en Jésû-Christ, not' Saûveux. Romains 8:38-39

Nouotre Péthe

Nouotre péthe, tch'es dans les cieux, Qué Tan nom sait saint, Tan règne veinge, Ta volanté sait faite sus la tèrre comme au ciel. Donne-nous aniet nouot' pain dé touos les jours et pardonne-nous nouos péchés, Comme j'pardonnons ès cheins tchi nouos ont offensés; Et né nouos laîsse pon tchaie dans la tentâtion. Mais d'livre-nous du ma, Car lé règne T'appartcheint, et l'pouver et la glouaithe, à tout janmais. Âmen St.-Matchi 6:9-13

Sieaume XXIII

Lé Seigneur est man Bèrger; i' n'mé manqu'tha d'rein. I' m'condit ès vèrtes pâtuthes des prés pouor qué j'm'èrpose; I' mé mène lé long des cannieaux trantchil'yes et rafraîchissants; Quand j'ai l's esprits bas I' m'les ravigote; I' m'condit dans les bouons c'mîns, comme lé bouôn Bèrger tch'Il est. Ouaithe qué ma route mène à travèrs eune sombre vallée, auve l'ombre d'la mort tout à l'entou, jé n'craindrai autchun ma, car Tu'es tout au pid d'mé; Ta chouque et Tan cro mé donnent du couothage. Quand même qué mes ennemîns m'vengent, Tu m'mets eune tabliée l'avant à mé; Tu m'oins la tête d'hielle; Tu m'rempl'yes man dgichon jusqu'au bord. Toute ma vie jé jouithai d'Ta bouônté et dé T'n amiêtchi, et jé d'meuth'thai dans la maiethon d'l'Êtèrnel pouor tréjous.