Ya Nesúrát nga Bàbànán ne Dios Panggap ke Jesu-Cristo

áta ngámin tolay ay nakabásul da mà ngámin. Awan oray isa nga annung na nga meráman kiya kinadáyaw ne Dios. Roma 3:23

Ata ya supápà naya panagbas-básul, ay pannakatay ka áwan panda ngamay ya pagkallà ne Dios, ay ittu ya kepagbiyág tada kaggína ka áwan panda gapu kiya angngurug tada ke Jesu-Cristo wa Apu tada. Roma 6:23

Ata gapu kiya agkallà tutu wala ne Dios kadàtada, ay nelísi nitta kiya pakapanísán tada kuma, kane mangurug tada. Ngamay akkan wayya nga gapu yán kiya mà-màwa tada kampela ngin nin, nu di gapu ta ittu ya uray kampela ne Dios sin, ta ittu yán ya pagkallà na kadàtada. Ay díkod áwan ya makepasindáyaw kídi, ta akkan gapu kadaya kinuw-kuwa tada kampela ngin nin tu nekelísi tada. Efeso 2:8-9

Ngamay itu magpab-pabáyad ka buis, ay nagsíkád pe kitu adayyu. Ay maddi nga maglángad ka lángit áta mìpat. Ay binitubitug na pikam tu gútù na ta nakappoli pànang ngin kadatu bas-básul na, ay se na nán karárag na, "O Dios, kalakkán nà ta maragbásul là!" Lucas 18:13

Ata gapu kiya abay pànang nga amminya ne Dios kadaya ngámin tolay, ay ittu ya nidde na ya sissa nga An-anà na, ta senu akkan na mesibna ke Dios oray iinna nga mangurug kaggína, nu di mepagbiyág kaggína ka áwan panda. Ata akkan wayya nebon ne Dios ya An-anà na nga magpabásul kadàtada nga tolay, nu di mangalà katàtada. Juan 3:16-17

Ata ya kapar-parò tada, ay gángay umbet yán kiya ngámin tolay. Ngamay oray ta akkan kaligpanán ne Dios ya kari na nga akkan na nga ipalubus nga maparò ta kiya akkan ta nga kabailán na meturdán. Ay nu mapar-parò tada, ay iddán nitta ka kabailán ta nga mangiturad ta senu akkan tada makabásul. 1 Corinto 10:13

Ata ammù nga áwan tutu wala ya makeadayyu kadàtada kiya amminya ne Jesu-Cristo kadàtada. Oray nu pannakatay ya àrangan tada onu daya adu wa mà-màlamán tada kiya agbiyág tada kídi ya kalawagán, ay akkan umanáy dayán na mangiadayyu kadàtada kiya amminya ne Dios. Ay oray pe daya anghel se daya naturáy ya di masingan se daya atán pannakabalin, onu daya mà-màwa nga kapar-parigátan tada kídi yin, onu daya madama pikam ma mà-màwa kadàtada. Oray nágan na nga atán ka lángit se kídi kalawagán, ay akkan da nga makeadayyu dayán kadàtada kiya amminya ne Dios nga nepakammu na kadàtada gapu ke Jesu-Cristo wa Apu tada. Roma 8:38-39

E Jesu-Cristo, ay aggína ya ketungpálan ngámin datu bil-bílin. Ay ngámin daya mangurug kaggína, ay akkan pabasúlan ne Dios da. Roma 10:4

Ata nán ne Dios kiya nesúrát ta bàbànán na nga, "Kitu oras nga piyán ku, ay ginina takayu, ay se takayu wa sinengán nga ittu tu inangngalà ku kadakayu," nán na, Ay tu nán na nga piyán na nga oras ay ki'di yin. Ay ki'di pe yin na algaw ya angngalà na kadakayu. 2 Corinto 6:2

Ay kane magìna datu tolay tu bàbànán ne Pedro, ay nariribù pànang ngin datu uray da. "Kabbulun," nán da kade Pedro, "nágan naya kuwaan mi yin," nán da. "May makappoli kayu win kadaya bas-básul nu," nán ne Pedro kaggída. "Mangurug kayu ke Jesu-Cristo, se kayu makibawtisár, ta senu mapakawan nin daya básul nu ke Dios, ay túya alubuwán nakayu pe kiya Ispiritu na. Apostoles 2:37-38

ta senu magbiyág kayu win kiya bar-baru wa kinatutolay nu, ta senu ummán kayu kaggína nga kurug ga namáru wa akkan tutu wala nga magbásul. Efeso 4:24

Roma

áta ngámin tolay ay nakabásul da mà ngámin. Awan oray isa nga annung na nga meráman kiya kinadáyaw ne Dios. Roma 3:23

nga nán naya nesúrát ta bàbànán ne Dios nga, "Awan tutu wala oray isa nga tolay ya namáru ki pagsisinnán ne Dios." Roma 3:10

Ata ya supápà naya panagbas-básul, ay pannakatay ka áwan panda ngamay ya pagkallà ne Dios, ay ittu ya kepagbiyág tada kaggína ka áwan panda gapu kiya angngurug tada ke Jesu-Cristo wa Apu tada. Roma 6:23

Gapu kitu nagbásul natu nunna nga tolay kídi kalawagán, ay atán nin ya panagbas-básul kadaya ngámin tolay. Gapu kitun na nagbásul na, ay atán pe yin ya pannakatay daya tolay. Túya matay tada ngámin na tolay, áta nakabásul tada ngámin lugud. Roma 5:12

Ay kitu áwan tada pikam ma mabá-baal, ay nidde ne Dios nge Cristo wa An-anà na, nga ittu tu nebasu gapu kadaya bas-básul daya ngámin tolay, kitu nìdang na nga algaw. Roma 5:6

Ay gapu kitu nekatay na, ay nebíláng nitta nge Dios sin ka namáru. Túya abay pànang ya namnáma tada nga ilísi nitta kiya ammánis ne Dios kadaya maragbas-básul. Roma 5:8

Ay nu mepanggap kiya kinaDios na, ay nepakammu wa aggina ya An-anà ne Dios gapu kitu kababalin nga nepassingan na kitu nelaltu na. Roma 1:4

Ay ammu tada nga e Cristo, ay linumtu kammin, ay akkan mataatay yin, áta áwan ya pannakatay kaggína ngin. Roma 6:9

Ata nu ikagi ta kadaya tolay nga e Jesus ya Apu ta, ay se ta kurugan tutu wala nga pinaltu kammin ne Dios, ay alà nitta. Roma 10:9

Ata ngámin daya makipálà ke Apu, ay ittu dayán daya málà. Roma 10:13

Ata ammù nga áwan tutu wala ya makeadayyu kadàtada kiya amminya ne Jesu-Cristo kadàtada. Oray nu pannakatay ya àrangan tada onu daya adu wa mà-màlamán tada kiya agbiyág tada kídi ya kalawagán, ay akkan umanáy dayán na mangiadayyu kadàtada kiya amminya ne Dios. Ay oray pe daya anghel se daya naturáy ya di masingan se daya atán pannakabalin, onu daya mà-màwa nga kapar-parigátan tada kídi yin, onu daya madama pikam ma mà-màwa kadàtada. Oray nágan na nga atán ka lángit se kídi kalawagán, ay akkan da nga makeadayyu dayán kadàtada kiya amminya ne Dios nga nepakammu na kadàtada gapu ke Jesu-Cristo wa Apu tada. Roma 8:38-39

Ama nga atán ka lángit

Ama nga atán ka lángit, mepatag din ya kinaDios mu. Ikaw kuma ya mangitur-turáy kadakami. Ay daya piyám mala din ya makurug kidi ya kalawagán nga ummán pe ki kàwa da ka lángit. Ay iddán nakami din ka kanan mi kiya inalgaw. Ay pakawanan nakami kadaya bas-básul mi, nga ummán pe kiya nammakawan mi kadaya nakabásul kadakami. Iadayyu nakami pe kadaya kepar-paroán mi se kadaya nadake` a mà-màwa. Mateo 6:9-13