An It Jilchich Cau

Cum patal huahua' u hualbinenequits, jaxtam yab i bajuhual cu tsu'tat tu bolith c'al a Dios. Romanos 3:23

An hualabtalab tu jalbiyalchic c'al i tsemla, ani a Dios jats tu ts'ejhualith it ejatlinchal i ejattal abal ets'ey tam u ts'at'bathits c'al i Ajatic Cristo Jesús. Romanos 6:23

Cum i belalchic a Cristo ani cum a Dios pel i lej alhua' inic, jats tu jec'onthachits c'al i hualab. Yab i jec'onthal ti ba' c'al i t'ajbilabchic, expith jats a Dios ax tu jec'onthalchic tin ebal in alhua' inictal. Cum yab ja c'al in cuete' t'ajbil tu jec'onthab an inic, jaxtam ni abal jay yab in ejtohual quin t'aja' c'athat axi jec'onthachits. Efesios 2:8-9

Ani am bats'c'ul jalbixtalab tumin cubat hue' ou. In ats'al lej hualbith, ma yab in tomnal quin met'a' hualq'ui' ti eb. Tocat in cuathcuayal in ichichi cum in ats'al lej jolbith. U ol in ulu antse': Dios, tiquin yajnanchi cum nan in lej hualbith. San Lucas 18:13

Cum a Dios lej ichich hual in tsu'tal an inicchic, jaxtam in aba' in lej juncats Tsacamil ca chich teje' tsabal. Patal jitats quim bela' in Tsacamil a Dios ne'ets ca pithan i it ejattalab abal ca ets'ey c'uajiy c'al a Dios yab ca q'uibey. A Dios in aba' in Tsacamil abal c'al jaja' ca jec'ontha an inicchic, yab abal ca jolbiyat. San Juan 3:16-17

Tata'chic jant'inji' a at inic tim puhuel an tsabal it nixoc'nab c'al an teneclab abal quit hualbin. A Dios ne'ets ti jila' quit nixoc'na expith ma ju'tam huichat ca ejtou ca cuxuy. Ne'ets ti tolmiy ca cuxuy ma tam quit lo'panits. 1 Corintios 10:13

Lej thacat u ichich, cum yab jant'o hua'ats c'al ca c'anchin a Dios abal yabats tucu c'anitha'. Ni an tsemla, ni jahuaquitsq'ui qui tamu teje' tsabal, ni i ángelchic, ni i teneclabchic, ni jahua' yajchic i huat'alits xohue', ni jahua' qui huat'aye, ni jant'o yab in ejtohual quin t'apchi in c'anithomtal a Dios. Jahua' ti eb, jahua' ti tsabal, jahuaquitsq'ui tam ts'ejcabilab c'al a Dios, ni abal jay yab in ejtohual quin c'anchi a Dios abal yabats tucu c'anitha'. A Dios tu junini' tejhua'methanchal in c'anithomtal lej pulic c'al i Ajatic Cristo Jesús. Romanos 8:38-39

Tocat quim bela'chic a Cristo ani ne'ets ca tsu'tat ti bolith c'al a Dios. Yabats in yejenchal quin ayna' an ts'ejcath cau binath c'al a Moisés abal ca tsu'tat ti bolith. Romanos 10:4

In ulal a Dios t al an T'ocat Thuchlab antse': Nana' in Dios tu ats'anchi a cahuintal ti jayq'ui' tam pele in q'uijil tiquin tauna' ani tiquim bats'unchi a alhua' inictal. Nan tu tolmiy ti jayq'ui' tam pele in q'uijil abal nan tu jec'ontha'. Xohue' hua'atse i q'uij ca bats'uhuat in alhua' inictal a Dios. Xo' pele a q'uicha ca ejtohuat ca jec'ontha an inicchic c'al an hualabtalab. 2 Corintios 6:2

Tam tin ats'a'itschic antsana' an cau, tamna' lej c'athpich yajchiquithits in ichich in ats'alchic c'al an lej tsapic t'e'pintalab. Ani jaja'chic in lej ucha' a Pedro ani axi q'ue'at an abathualechic antse': --At juntalabchic, tucu ucha' jant'o i uchbil qui t'aja' xo'. A Pedro in to'tsiychic: --Quit t'ajat jic'tsonchic c'al a hualab ani quit pujanchic tim bij a Jesucristo abal quit paculanchat a hualab. Tam a Dios ne'ets ti abchichic an Espíritu Santo ca c'uajiy ta ichich. 2:37-38

Jaja' ne'ets ti it ejatlinchi a ichich ejtil in ichich jaja'. Tam ne'ets ca ejtouchic ca t'aja' jahua' chubax bolith ani t'ocat, cum antsana' in ichich a Dios. Efesios 4:24

Romanos

Cum patal huahua' u hualbinenequits, jaxtam yab i bajuhual cu tsu'tat tu bolith c'al a Dios. Romanos 3:23

Tu thuchathits huahua' ti al an T'ocat Thuchlab. In ulal: Ni jita' yuab hua'ats ax in t'ajal alhua', ma juncats yab hua'ats. Romanos 3:10

An hualabtalab tu jalbiyalchic c'al i tsemla, ani a Dios jats tu ts'ejhualith it ejatlinchal i ejattal abal ets'ey tam u ts'at'bathits c'al i Ajatic Cristo Jesús. Romanos 6:23

C'al juncats i inic Adán jats ti ts'i'quin an hualabtalab teje' tsabal, ani tin ebal an hualabtalab jats tu tsemel in inic. Cum patal hualbinenec, jaxtam patal u tsemel. Romanos 5:12

Cum huahua' yab u tsapnel qui jec'ontha' ti ba' c'al an hualabtalab, jaxtam tim pejchith q'uichajil tsemets a Cristo ti al an cruz ti calchix c'al huahua' tu hualbith inic abal tucu jec'ontha'. Romanos 5:6

Aba ani' antsana' c'al an inicchic, a Dios in tejhua'metha' abal tu c'anithal tam tim bina' a Cristo ca tsemets ti calchix c'al huahua' tu hualbith inic. Romanos 5:8

Tin cuenta in t'ocat pel in lej Tsacamil a Dios, ani tam ti ejtha ti al an jolimtalab ma tamits tu tejhua'mel abal in lej cua'al in c'athpich tsap. Romanos 1:4

I tso'obits abal ejtha a Cristo ti al an jolimtalab ani ni jayq'ui' yabats ne'ets ca tsemets junil, cum yabats ne'ets ca ejtohuat ca atan c'al an tsemla. Romanos 6:9

Jats ca bela' ta lej ichich abal a Dios in ejthamalits jun ti jolnenec, ani ca olna' abal a Jesú ja'its an Ajatic. Tam ojni' a Dios ne'ets ti lej jec'ontha'chic c'al a hualab. Romanos 10:9

Antsana' ti thuchathits abal patal jitats quim palenchi im bij an Ajatic ne'ets ca jec'ontha. Romanos 10:13

Lej thacat u ichich, cum yab jant'o hua'ats c'al ca c'anchin a Dios abal yabats tucu c'anitha'. Ni an tsemla, ni jahuaquitsq'ui qui tamu teje' tsabal, ni i ángelchic, ni i teneclabchic, ni jahua' yajchic i huat'alits xohue', ni jahua' qui huat'aye, ni jant'o yab in ejtohual quin t'apchi in c'anithomtal a Dios. Jahua' ti eb, jahua' ti tsabal, jahuaquitsq'ui tam ts'ejcabilab c'al a Dios, ni abal jay yab in ejtohual quin c'anchi a Dios abal yabats tucu c'anitha'. A Dios tu junini' tejhua'methanchal in c'anithomtal lej pulic c'al i Ajatic Cristo Jesús. Romanos 8:38-39

I Tata ti eb i c'ac'nanchal a bij

I Tata ti eb i c'ac'nanchal a bij. Quit chich ca t'aja' tit lej Ts'ale teje' tsabal. Quin t'ajchi jaye an inicchic a culbetal teje' tsabal jant'ini' tu lej t'ajnal a culbetal tihua' ti eb. Tucu pithanchi qui c'apu jant'ots i yejenchal axe' xa q'uicha. Tucu paculanchi i hualab cum i paculanchal jitats tucu t'ajchi i hualabtalab. Tucu lotocna' abal yab cu c'ale jun ti cu hualbin. Tucu jec'ontha' c'al an teneclab. Tata'its expith it lej pulic Ts'ale. A cua'al a lej tsap ani a ts'alat axi ne'ets ca ohuey abal ets'ey. Amén. San Mateo 6:9-13