Bigu A Tipan

Dahilan éy te kasalanan i étanan a tolay, kanya éwan side makaadene ta Diyos. Roma 3:23

Dahilan i keangayana na makasalanan a ugali éy kamatayan. Pero i kaluub na Diyos éy buhay a éwan tu katapusan. Ey gébwat ya ta Panginoon tam a Cristo Jesus. Roma 6:23

Kanya meligtas kam éy dahil ta kabaitan na Diyos, sakay ta péniwala moy ni Cristo. Ewan kam meligtas dahil ta gimet moy a sarili, éng'wan gébwat ya ta kaluuben na Diyos. Kanya éwan makapagpalalo i maski ti ésiya a meligtas siya dahil ta gimet na a mahusay. Epeso 2:8-9

"Nadid," kagi ni Jesus, "anya i nipanalangin no lélake a mégpabuwes? Basta te taknég san siya to iskina no Templo a mésanike dén. Te dugsék san siya a mégsisi, a kinagi na, a 'Anin, Panginoon, kagbianék mo, a te kasalananék.'" Lukas 18:13

Mahal na Diyos a tahod i tolay ta mundua. Kanya pinaange na se tu anak na a isesa, monda maski ti ésiya i maniwalaa diya, éy éwan mate, éng éwan mabuhay a éwan tu katapusan. Ewan pinaange na Diyos tu anak na ta mundua a maghukum ta tolay, éng'wan magligtas ta tolay. Juan 3:16-17

Ewan pabi tu pagsubuk a dinumemét dikam a éwan nadanasan na iba a tolay. Pero matapat i Diyos, éwan na pakultaden a masubukan kam ta higit pa ta kaya moy. Eng'wan, kédemét na pagsubuk dikam éy patibayén na i isip moy, monda matiis moy. 1 Korinto 10:13

Méniwalaék a siguradu a éwan tu makapagpahiwalay dikitam ta pégmahal ni Cristo dikitam. Maski mate kitam, maski buhay kitam pabi. Maski anghel, maski espiritu a iba. Maski anya i manyari dikitam nadid a panahun sakay ta esa pa a panahun. Maski du espiritu ta langet éy ta lutaa. Maski kontara dikitam i étanan, éy éwan tu makapagpahiwalay dikitam ta Diyos, da mahal na kitam dahil to gimet ni Panginoon tam a Jesu Cristo. Roma 8:38-39

Pero ti Cristo, éy pinalipas na dén tu kautusan a péniwalaan na Judeo. Kanya nadid éy tanggapén na Diyos i maski ti ésiya a umasa ni Cristo, a ibilang na side a éwan tu kasalanan. Roma 10:4

Da kinagi dén na Diyos, a "Ta tama a panahun a meligtas kam, éy binati ta kam." Ey entan moy, nadid dén i tama a panahun moy a meligtas kam! 2 Korinto 6:2

Nadid pékabati du tolay ta éya a kagi ni Pedro, éy nagsisi side a minasépduan side. "Adiyoy, Akéng," kagi de, "magenya kame?" Ey kinagi ni Pedro, a "Pagsisian moy sakay ibutan moy du kasalanan moy. Sakay ipabinyag kam a ipasakup kam ni Jesu Cristo, monda patawadén na kam ta kasalanan moy, sakay tanggapén moy i kaluub na Diyos, a Banal a Espiritu. Tu Gimet 2:37-38

Isolot moy dén i bigu a pagkatolay moy a gimet na Diyos, monda umaheg kam diya, sakay mahusay kam, a maging banal kam. Epeso 4:24

Roma

Dahilan éy te kasalanan i étanan a tolay, kanya éwan side makaadene ta Diyos. Roma 3:23

Tutuhanan ya, da te kagi to kasulatan na Diyos, a "Ewan tu tolay a éwan tu kasalanan ta Diyos, maski isesa. Roma 3:10

Dahilan i keangayana na makasalanan a ugali éy kamatayan. Pero i kaluub na Diyos éy buhay a éwan tu katapusan. Ey gébwat ya ta Panginoon tam a Cristo Jesus. Roma 6:23

Natandaan moy ti Adan to araw. Siya i neditol a tolay ta mundua, éy nagkasala. Ey hanggan nadid éy siya be i inahega na étanan a tolay, da side ngani i lahi naa. Kanya mégkasala be side. Ey anya i bunga no kasalanan ni Adan? Ey dikamatayan! Kanya mate nadid i étanan a tolay, éy te kasalanan side a étanan. Roma 5:12

To éya a nadaig kitam pabi na kasalanan tam, éy minate ti Cristo para ta makasalanan a tolay. To takda a panahun éy niatéd na i buhay na para ta makasalanan. Roma 5:6

Pero enta moy ti Cristo: to te kasalanan kitam pabi éy minate siya para dikitam! Saya i nipetaa dikitam na Diyos a mahal na kitam a tahod. Roma 5:8

Nagpatunay i Diyos a anak na ti Cristo, da ginamit na Diyos i kapangyarian na a nangbuhay diya to nikate na. Ey ayun ya ta Banal a Espiritu. Roma 1:4

Da tukoy tam a binuhay dén na Diyos ti Cristo, a éwan dén huway a mate. Ewan dén siya mate nadid, a hanggan. Roma 6:9

Eng ipagtapat mo a ti Jesus éy Panginoon, sakay éng méniwala ka a tahod a binuhay siya na Diyos to lébéng, éy meligtas ka a talaga. Roma 10:9

Dahilan i maski ti ésiya a dumaying ta ngahen na Panginoon éy meligtas. Roma 10:13

Méniwalaék a siguradu a éwan tu makapagpahiwalay dikitam ta pégmahal ni Cristo dikitam. Maski mate kitam, maski buhay kitam pabi. Maski anghel, maski espiritu a iba. Maski anya i manyari dikitam nadid a panahun sakay ta esa pa a panahun. Maski du espiritu ta langet éy ta lutaa. Maski kontara dikitam i étanan, éy éwan tu makapagpahiwalay dikitam ta Diyos, da mahal na kitam dahil to gimet ni Panginoon tam a Jesu Cristo. Roma 8:38-39

Améng a Diyos ta langet

Améng a Diyos ta langet, purién maka dén na tolay i ngahen mua. Siko maka dén i maghari ta mundua. Sundin maka dén na tolay ta mundua i kaluuben mo a kona ta langet. Atdinan mo kame ta kanén me nadid a aldew; Sakay patawadén mo kame ta kasalanan me; éy sikame éy patawadén me be du te kasalanan dikame. Sakay diyan mo kame iharap ta mahigpit a mamuhuba dikame, éng'wan iadeyo mo kame ta medukés. Mateo 6:9-13

Galasia