Kasulatan to Diyus

Su tibò to mgo otow, namakasaà du-on to Diyus. Wadà ogkasayà to Diyus no matuwadong to paghimu din. Taga-Ruma 3:23

Su sikan pig-ikagi ku, tùtu-u iyan su to bayad to saà, kamatayon no iyan pagluwat to Diyus to mgo otow no wadà katapusan. Dì to inghungyam to Diyus, kinabuhì no konad ogkawadà no pinabayà dà ki Jesu-Kristu no Magbobo-ot ta. Taga-Ruma 6:23

Iyu gayod, to kalipwasanan now, kabo-ot dà to Diyus to piglikatan no wadà now pa-abuta dì pinabayà iyan to pagtu-u now ki Jesus. Dì agad pagtu-u now, wadà likat iyu. Dì kabo-ot gayod to Diyus to piglikatan to pagtu-u now. Agad dow pighimu now, madoyow dì wadà gayod tuguti to Diyus to ogkahimu sikan no piglikatan to kalipwasanan now su dagow masayà now to iyu tu-un no lawa. Taga-Ipisu 2:8-9

Di' to magsusukut to buhis no agad wadà tu-u to katahanan, dì nigpadiyù-diyù diyà to mgo magsisimbahay aw wadà langhag diyà to langit aw iyan dà nahimu din to nakadadabu to kandin dagaha to pagkapook-pook din to kandin saà aw maka-iling to 'Diyus ku, ka-ati a nu dà podon su makasasaà a man tahan.' Lucas 18:13

"Nalogonan to Diyus to mgo otow dini to babow to kalibutan hantod to Anak din no sobu-ukon, pigpatubus din no iyan ogpakimatayan din to mgo saà dan. Agad intawa no ogsalig kandin, konad ogkagawang kandin to atubangan to Diyus, di ogkabogayan nasi to kinabuhì no konad ogkawadà. Pagpaandini to Diyus to Anak din dini to kalibutan, konà no iyan tu-ud din to ogkastiguhon to mgo otow to saà dan dì oglipwasan din kandan to saà dan. Juan 3:16-17

Ko nabogayan ki to pa-antihan, tahan ta dà iyan no otow tibò. Dì ogkasaligan ta to Diyus to konà ogtugutan to ogpabogayan ki to pa-antihan no konà ta ogkatuwa-ay su ma-ongod-ongodon kandin. Dì ko mabogayan ki to pa-antihan, ogkabogayan ki gayod to Diyus to igkalipwas ta hantod to matuwa-ay ta. 1 Taga-Kurintu 10:13

Su tinad-oman kud lagboy to wadad ogpakapagluwat ita du-on to Diyus no niglogon ita no ingkapatu-u to pagpakimatoy ita ni Jesu-Kristu no Magbobo-ot ta. Wadad iyan ogpakapagluwat ita du-on to Diyus su wadad kahadokanan ta agad kamatayon, dow kalisodan to buhì ki pad, dow diwata, dow busow, dow kabotang ta kunto-on no timpu dow kaugayan, dow agad nokoy no kabogbogan, dow agad nokoy pad diyà to ka-awanan dow diyà to kadaoman to pasak, dow agad nokoy pad no nangkabotad tibò. Wadad iyan ogpakapagluwat ita du-on to Diyus no niglogon ita. Taga-Ruma 8:38-39

Su to pagtuwa-ay to pagtagon to mgo kasugu-an no igkapabayà podon to ogkakita-an to otow no matuwadong, pigwadà ni Jesu-Kristu sikan no igpabayà awos tibò no ogtu-u ki Jesu-Kristu, ogkakita-an to Diyus no matuwadong. Taga-Ruma 10:4

su pig-iling to Diyus to "Moydu-on adow no ogkagotò to pagka-at ku iyu no pagpaminog ku iyu. Moydu-on adow no ogkagotò to paglipwas ku iyu no pagbulig ku iyu." Sikan to kagi to Diyus ita. Nagotò on kunto-on pagdawat ta to ka-at to Diyus. Nagotò on kunto-on to pagbulig to Diyus ita. 2 Taga-Kurintu 6:2

Na pagkadinog dan to pig-ikagi ni Pedro, lagboy on to pagkapook-pook dan. Namaka-ikagi to kahan-ingan diyà ki Pedro to "Amonu koy on man buwa su-un kunto-on." Nig-ikagi si Pedro, "Na, to madoyow no oghimuhon now to ogsosoo kow tibò to hinang now no mado-ot aw oyowi now aw pabonyag kow on to wohig no igmatu-ud now to pagpasakup now to ngadan ni Jesus no Imananan to Ka-otawan awos mapasaylu dà to saà now aw soodi kow pad to Ispiritu Santu. Mgo Hininang 2:37-38

aw iyan ig-ilis to katahani now to bayà no domdom now no nabotad no sugpù to Diyus no lagboy matuwadong aw wadà saà. Taga-Ipisu 4:24

Taga-Ruma

Su tibò to mgo otow, namakasaà du-on to Diyus. Wadà ogkasayà to Diyus no matuwadong to paghimu din. Taga-Ruma 3:23

su tùtu-u to impasulat to Diyus natodu-on no nig-iling to "Wadà matuwadong, agad sobu-uk. Taga-Ruma 3:10

Su sikan pig-ikagi ku, tùtu-u iyan su to bayad to saà, kamatayon no iyan pagluwat to Diyus to mgo otow no wadà katapusan. Dì to inghungyam to Diyus, kinabuhì no konad ogkawadà no pinabayà dà ki Jesu-Kristu no Magbobo-ot ta. Taga-Ruma 6:23

Na og-indanan now so-idi no mgo kalinikatan. Pagkasood to saà so-idi kalibutan, songo otow dà to pinabayà. Naka-agad gayod nakasood to kamatayon no pinabayà sikan no saà. Kaling man so-idi nalangkoban to langit, nasakupan to kamatayon tsu tibò to mgo otow, nakasaà. Taga-Ruma 5:12

Na nokoy to igkapatu-u to dakoo to logon ita to Diyus. Ogdomdoman ta pad to pagpakimatoy ni Jesus ita no nasakupan ki pad to saà ta, wadà kabogbogan ta no igkalipwas ta to ita no lawa. Dì pagkagotò to adow, si Jesu-Kristu to nigpakimtoy ita no makasasaà. Taga-Ruma 5:6

Dì ita, agad sala-an ki no mgo otow, dì pigka-atan kid to Diyus nasì su nigpakimatoy ita si Jesu-Kristu. Taga-Ruma 5:8

Kandin no kinatuwadongan, namatu-ud iyan no Anak to Diyus no impabayà to kaboonganan no pagbuhoy kandin likat du-on to nangkamatoy aw tuusa. Taga-Ruma 1:4

Su nama-anan ta to no pigbuhoy on si Jesu-Kristu aw tuusa, konad on ogkamatoy ogka-usab. Konad on og-utongan kandin to kamatayon. Taga-Ruma 6:9

Su to tu-un ta no bàbà, ko pakanangon ki to si Jesus, Magbobo-ot ta, aw ko matibuus to ginhawa ta to pagtu-u ta ki Jesus no pigbuhoy to Diyus aw tuusa, ogkalipwasan ki iyan. Taga-Ruma 10:9

Ko nabogayan ki to pa-antihan, tahan ta dà iyan no otow tibò. Dì ogkasaligan ta to Diyus to konà ogtugutan to ogpabogayan ki to pa-antihan no konà ta ogkatuwa-ay su ma-ongod-ongodon kandin. Dì ko mabogayan ki to pa-antihan, ogkabogayan ki gayod to Diyus to igkalipwas ta hantod to matuwa-ay ta. Taga-Ruma 10:13

Su tinad-oman kud lagboy to wadad ogpakapagluwat ita du-on to Diyus no niglogon ita no ingkapatu-u to pagpakimatoy ita ni Jesu-Kristu no Magbobo-ot ta. Wadad iyan ogpakapagluwat ita du-on to Diyus su wadad kahadokanan ta agad kamatayon, dow kalisodan to buhì ki pad, dow diwata, dow busow, dow kabotang ta kunto-on no timpu dow kaugayan, dow agad nokoy no kabogbogan, dow agad nokoy pad diyà to ka-awanan dow diyà to kadaoman to pasak, dow agad nokoy pad no nangkabotad tibò. Wadad iyan ogpakapagluwat ita du-on to Diyus no niglogon ita. Taga-Ruma 8:38-39

Amoy noy no diyà to langit

Amoy noy no diyà to langit, matahudan podon to ngadan nu. Umabut podon to pagsakup nu dini to kalibutan. Matuman podon to pagbo-ot nu dini to kalibutan no angod dà kunto-on no natuman on diyà to langit. Bogayi koy nu podon kunto-on no adow to kapookanan noy no ogkako-on noy. Ogpasayluhon koy nu to saà noy ikow su pigpasaylu noy on to nakasaà dini kanami. Og-aha-on koy nu dow wadà buwa dini kanami no igkahimu ni Satanas no pa-antihan. Dì pagawangan nu nasì si Satanas dini kanami. Mateo 6:9-13

Taga-Galasiya