Es Nei Teshtament

Fa alli-ebbah hott ksindicht, un langd naett di hallichkeit funn Gott. Römer 3:23

Fa da lohn funn di sind is da doht, avvah's frei kshenk funn Gott is ayvich layva in unsahm Hah Jesus Christus. Römer 6:23

Fa bei gnawt voahra diah saylich gmacht deich da glawva; un dess is nix funn eich selvaht, es is es kshenk funn Gott, naett es en fadeensht fun verka, so es nimmand braekka kan diveyya. Epheser 2:8-9

Avvah da tax-einemmah hott nayva vekk kshtanna, un hott naett even nuff noch em Himmel gegukt, avvah hott uf sei brusht kshlauwa, un hott ksawt, "Gott, sei bamhatzich mitt miah, en sindah!" Lukas 18:13

Fa Gott hott di veld so leeb katt es eah sei aynsishtah geboahranah Sohn gevva hott, so es awl dee vo an een glawva, naett faloahra gay sella, avvah sella ayvich layva havva. Fa Gott hott sei Sohn naett in die veld kshikt fa di veld fadamma, avvah es di veld deich een saylich vadda kann. Johannes 3:16-17

Es is kenn fasuchung ivvah eich kumma es noch naett kumma is zu'm mensh. Avvah Gott is shtandhaftich, un lost nimmand so hatt fasucht vadda es eah naett uf shtay kann ditzu. Avvah an di zeit funn di fasuchung gebt eah eich en vayk fa raus, so es diah uf shtay kennet ditzu. 1 Korinther 10:13

Fa ich binn shuah es naett da doht adda's layva, adda engel, adda hohchi ivvah-saynah, adda gvald, adda sacha nau, adda sacha vo am kumma sinn, adda ebbes hohches adda niddahres, adda ennich annah kshaffa ding uns funn-nannah du kann funn Gott sei leevi vass in Christus Jesus, unsah Hah is. Römer 8:38-39

Christus is es end fu'm Ksetz, un veah an een glawbt is gerecht. Römer 10:4

Fa eah sawkt, "An di rechta zeit habb ich dich keaht, un im dawk funn di saylichkeit habb ich diah kolfa." Gukket moll, nau is di zeit funn gnawt; nau is da dawk funn saylichkeit. 2 Korinther 6:2

Vo si dess keaht henn, is es deich iahra hatza ganga un si henn da Petrus un di anri yingah kfrohkt, "Leevi mennah un breedah, vass sella miah du?" Da Petrus hott eena ksaawt, "Doond boos un drayyet funn eiyah sinda, un losset eich awl dawfa im nohma Jesus Christus, so es eiyah sinda fagevva vadda. No greeya diah da Heilich Geisht es en kshenk. Di Apostelgeschichte 2:37-38

un doond da nei mensh oh, deah vo kshaffa is fa sei vi Gott in di voahlich gerechtichkeit un hallichkeit. Epheser 4:24

Römer

Fa alli-ebbah hott ksindicht, un langd naett di hallichkeit funn Gott. Römer 3:23

Grawt vi's kshrivva shtayt, "Es is nimmand gerecht, nay naett aynah;" Römer 3:10

Fa da lohn funn di sind is da doht, avvah's frei kshenk funn Gott is ayvich layva in unsahm Hah Jesus Christus. Römer 6:23

Fasell, vi deich ay mensh di sind in di veld kumma is, un deich di sind da doht, so is da doht uf alli mensha kumma, veil si awl ksindicht henn. Römer 5:12

Un grawt an di recht zeit, vo miah noch shvach voahra, is Christus kshtoahva fa di gottlohsa. Römer 5:6

Avvah Gott hott sei leevi gvissa fa uns in demm vayk: diveil es miah noch sinda voahra, is Christus kshtauva fa uns. Römer 5:8

Eah voah greftichlich gvissa es da Sohn funn Gott deich da Geisht vo heilich is, bei uf shtay funn di dohda; dess is Jesus Christus unsah Hah. Römer 1:4

Fa miah vissa es Christus, deah vo uf gvekt voah funn di dohda, nee nimmi shtauva zayld. Da doht hott kenn macht may ivvah een. Römer 6:9

Fa vann du bekensht mitt deim maul es Jesus da Hah is, un glawbsht in deim hatz es Gott een uf gvekt hott funn di dohda, dann vasht du saylich. Römer 10:9

Fa, "Veah-evvah es da nohma fu'm Hah ohrooft soll saylich vadda." Römer 10:13

Fa ich binn shuah es naett da doht adda's layva, adda engel, adda hohchi ivvah-saynah, adda gvald, adda sacha nau, adda sacha vo am kumma sinn, adda ebbes hohches adda niddahres, adda ennich annah kshaffa ding uns funn-nannah du kann funn Gott sei leevi vass in Christus Jesus, unsah Hah is. Römer 8:38-39

Unsah Faddah

Unsah Faddah im Himmel, dei nohma loss heilich sei. Dei Reich loss kumma. Dei villa loss gedu sei, uf di eaht vi im Himmel. Unsah tayklich broht gebb uns heit. Un fagebb unsah shulda, vi miah dee fagevva vo uns shuldich sinn. Un fiah uns naett in di fasuchung, avvah hald uns fu'm eevila. Fa dei is es Reich, di graft, un di hallichkeit in ayvichkeit. Amen. Mattheus 6:9-13

Galater