El Nuevo Testamento

Nducoyaco vo ne, chendihco vo nunde, nde hua co cahmo vo che ndah ihyan uvo nan Dendiohs. Romanos 3:23

Ihyan che rahtendihco ye nunde ne, va che co ye castigo, din nunde yahn ye. Ate ihyan che ndichahtino ye Dihvo vo Jesucristo ne, numacuahn vedevahino, ndeva Dendiohs ihyan, cuahtenan ye vahchetero numacuahn ro. Romanos 6:23

Din ye che chitahno vo ihyan min, ndedevahn ye uvo numacuahn vedeyahino yahn ye. A yahn vedeyahino yahn man ye din ye che chitahno vo, ndiyu yahn vedrendedecadino yahn man vo man, ndiyu yahn che rigonun chihve dehtenduh che nedin vo man. A tihca va cade cava che hua din yade nde ama ihyan. Efesios 2:8-9

Ate sahn rica tume cade iyo me ne, nde hua rihquino se cahn nda se nan ta, nde hua nahn ndonihyon nan se yahn che cuihnan se. Chendih se, chahn se ticua se, ne rahn se: "Dendiohs, ¡cuenan vahino ne u!, te ama quendihcó nunde nan ne." San Lucas 18:13

Tihca, te ama yahino Dendiohs ihyan iyehnse, ne andahre ama ndiyahn ra Daya ye, ate chihco mendahn ye ihyan, cava che nducoyaca ihyan che cotahno ye ihyan min ne, ndevahn ye, cuahtenan ye vahchetero numacuahn ro. Dechuh Dendiohs Daya ye muhn iyehnse cuh, ndiyu cava che din ye castigo ihyan iyehnse, ate cava che cotahno ihyan iyehnse ihyan min, ndedevahn ye ihyan. San Juan 3:16-17

Nchuhn ne, retumarande chundah nchuhn nahn cuan, rechuhrihn ne nduhca che rechuhrihn ihyan chenahn. Ate Dendiohs ne, redinahn ye ndudo yahn ye, ne hua cuahnecun ye che chuhnan chuhrihn ne. Tahque ndah ye ne, conan ye nchuhn ura che retumarande sahn min nchuhn cava che cocha ne. 1 Corintios 10:13

Chemin che a devano cuaco vo te nde huane vederih, nde huane vedevihche, nde huane ángel, nde huane vaco chihnga, nde huane dehtenduh che ri, nde huane dehtenduh che va che co, nde huane nan yaco, nde huane nan yano, nde ama nan dehtenduh chemin chan, hua co din che to ino Dendiohs nduco vo, te ihyan min ne, yahino ye uvo che cuande yahn Dihvo vo Jesucristo. Romanos 8:38-39

Dendiohs ne, renedin yahn ye nducoyaca ihyan che ritahno ye Dihvo vo Jesucristo. Romanos 10:4

te nan Ndudo yahn ye ne, rahn ye ri ye ihyan ndico yuhn vo tuhca: Cuahn che nda ro ndah yahn nchuhn ne, chinán nchuhn, ndedeváhn nchuhn. Namin nchuhn ne, a ro cuh che ro ndah yahn ne, a ro cuh che ndevahn ne. 2 Corintios 6:2

Cuahn che chihnevan ihyan chahn che tihca cahndudo Pedro ne, ama chi ran ye, ne tumerune ye Pedro nduco ihyan apóstol chenahn chahn: --Dihno nuhn, ¿deh va che din nuhn man ne? Ndahconan Pedro, ne rahn ye ri ye ihyan: --Queri ama nchuhn, cuento ino ne nunde yahn ne, ne cuah ne Dihvo vo Jesucristo, cuedenune ne, cava che nchahco Dendiohs nunde yahn ne, ne din ye che conun Vaco Ndah yahn ye nchuhn. Hechos 2:37-38

Co ne anduhneca ihyan ra che redin ye nducuahn che ndah nduhca che redin Dendiohs. Efesios 4:24

Romanos

Nducoyaco vo ne, chendihco vo nunde, nde hua co cahmo vo che ndah ihyan uvo nan Dendiohs. Romanos 3:23

nan Ndudo yahn Dendiohs tuhca: Metah nde ama ihyan che ndah ihyan ye. Romanos 3:10

Ihyan che rahtendihco ye nunde ne, va che co ye castigo, din nunde yahn ye. Ate ihyan che ndichahtino ye Dihvo vo Jesucristo ne, numacuahn vedevahino, ndeva Dendiohs ihyan, cuahtenan ye vahchetero numacuahn ro. Romanos 6:23

Cava Adán ne, chihnde nunde muhn iyehnse cuh, ne cava nunde min ne, chihnde cade che coh nducoyaca ihyan, te nducoyaca ye ne, chendihco ye nunde. Romanos 5:12

Cuahn che ametah vedechahtino che ndaca ihyan vederenchahco cava nunde yahn ye ne, ro min niyon chih Dihvo vo Jesucristo cava nducoyaca ihyan nunde, nduhca che a chihco cade Dendiohs. Romanos 5:6

Ate Dendiohs che cuaco, andahre ama chendihco vo nunde, chihco ro ye che ama yahino ye uvo, dechuh ye Dihvo vo Jesucristo, chih ye cava che ndedevahn ye uvo. Romanos 5:8

Numacuahn vederihquentiyon yahn Vaco Ndah yahn Dendiohs ne, ntuche ye van tenahn, ne nduco chemin chihnde ro che Daya Dendiohs ihyan. Romanos 1:4

te a devano vo che a ndedetuhche Dendiohs ihyan van tenahn, ametah ndaconan coh ye. Cava ye ne, ametah vederih. Romanos 6:9

Cava che ndevahn nchuhn ne, nahn che cotahno ne numacuahn chedave yahn ne, che Dihvo vo Jesucristo ne, ndedetuhche Dendiohs ihyan van tenahn, ne cahma ne che a ihyan min che Dihve ne, renevahnecun ne ihyan. Romanos 10:9

Namin a ndirun tuhca: "Nducoyaca ihyan che cuah ye Dihvo vo ne, ndevahn ye." Romanos 10:13

Chemin che a devano cuaco vo te nde huane vederih, nde huane vedevihche, nde huane ángel, nde huane vaco chihnga, nde huane dehtenduh che ri, nde huane dehtenduh che va che co, nde huane nan yaco, nde huane nan yano, nde ama nan dehtenduh chemin chan, hua co din che to ino Dendiohs nduco vo, te ihyan min ne, yahino ye uvo che cuande yahn Dihvo vo Jesucristo. Romanos 8:38-39

Chida nuhn che va ne vahchetero

Chida nuhn che va ne vahchetero, Rica nuhn ndih che din ne che ndeva nducoyaca ihyan yavenan ne, co devano ye che metah nde ama nunde nan ne. Rica nuhn ndih che cuanan cahcantiyon ne nuhn. Nahn nuhn che dinahn ihyan iyehnse vederihquentiyon yahn ne nduhca che redinahn ángel che vate ye vahchetero. Cuete ne che cheh nuhn man ro cuh. Cuenchahco ne nunde yahn nuhn nduhca che renchahco man nuhn yahn ihyan che redin tan ye nduco nuhn. Cuendedevahn ne nuhn tah chundah, hua cuahnecun ne che tumarande se nuhn. Tihca, te a ndih che rihquentiyon ne cuahn dama. Ama yudo vederihquentiyon quenan cuma ne. Tihca co. San Mateo 6:9-13