Nan Hapit Apu Dios

Te an namin ta'u ya numbahul ta'u an ma"id ha ta'on hi ohan dita'u iha agge nangibahhoh nan pinhod Apu Dios hi atona. Ta hiya nan ma"id i dita'u ha maphod i Apu Dios. Roma 3:23

Te hay moltan di bahul ya ate an nan ihi"anan i Apu Dios hi inggana. Mu nan ihmo' Apu Dios ya nan itaguan ta'uh munnananong an gapuh nan nangabulutan ta'u i Jesu Kristu an hi Ap'apu ta'u. Roma 6:23

Ta dita'un mumpangulug ya mi'itagu ta'un Apu Dios mu bokon dita'u ot taguon ta'uy adol ta'u te on gapuh homo'nan dita'u. Ot hiya nan adi mabalin hi mumbaktu ta'u te bokon nan maphod an aton di lummuh pi'itaguan ta'u i Apu Dios. Episu 2:8-9

Mu nan mangamung hi buwit an timma'dog hinan bata"ana ya inyungyungna ot pungkugakugnay palagpagna ta ipatigonay a'immannungan di puntutuyuana an alyonay, Apu Dios, hom'ona' ni' bahan te nabahulana'. Lukas 18:13

Hiya naey inalin Jesus te hi Apu Dios ya nunhiglay pamhodnah nan atagutagu ta hiya nan hinnagna nan binuktung an Imbabalenah tun luta ta an naminda nan kumulug i hiya ya adida mihiwwe i Apu Dios mu ondaot mi'itagun hiyah munnananong. Te hi Apu Dios ya bokon hay pangiballohanah nan numbahulan di tatagu di nannaganah nan Imbabalena mu hinnagna ta hiyay manapung hi bahulda ta wan mabalin an mi'itagudan hiya. Juan 3:16-17

Immannung an wadanwaday e ta'u apatnaan te apyanadi i dita'un tagu. Mu hi Apu Dios ya adi mabalin an iyabulutna ha apatnaan ta'u hi on adi ta'u abalinan. Ot an namin nan apatnaan ta'u ya ongal di abalinan Apu Dios an bumoddang i dita'u ta wan mabalin an adi ta'u mabalian. 1 Kulintu 10:13

Ot ad uwani ya ta'on on alinah patayon dita'u mu adi mabalin hi ihi"an dita'uh nan pamhod Apu Dios. Ya ta'on boy a'anghel onu nan udum an adi matigo ot ma"id ha abalinandan mamahbah hinan pamhod Apu Dios i dita'u. Ya at boh din ta'on di nganneh diyen ma'at i dita'uh ad uwani onu hi udum an algo ya hiyah diyen adi maluman nan pamhod Apu Dios i dita'u. Ya ta'on on nan wad lagud ya nan wad dalom onu nan kumpulnan nalmu ya adida abalinan an mangaan hinan pamhod Apu Dios i dita'u an gapuh nan nidduman ta'un Apu ta'un hi Jesu Kristu. Roma 8:38-39

Mu adi mabalin hi inaynayundan mangidinol hinan inyuldin Moses te pinogpog mon Kristu ta ammuna nan pangidinol ta'un hiya ya mibilang ta'u hi maphod i Apu Dios. Roma 10:4

Te alyonay, Waday ninomnom'un pangabuluta' hinan pumpahmo'anyun ha"on ta wan boddangan da'yu ta mi'itagu ayun ha"on. Ya maphod di innilaon nan tatagu an ad uwanih diyen inalinay panaguanah nan mumpahmo' i hiya. 2 Kulintu 6:2

Ya on dingngoldah nae ya ayda mohpe kimmaynit ya mi'ihapitda i da Pedro ya nan udum an a'apostoles an alyonday, Ot nganne moy atonmin i'iba? Ya inalin Pedro di, Hay atonyu ya du'gonyu nan pumbahulanyu ta hi Jesu Kristu di un'unudonyu ya numpabonyag ayu. Ta hideyey atigan di nalinglingan di bahulyun adi mo nomnomnomon Apu Dios. Ya ipiddumna bo nan Espirituna hinan nitaguanyu. Nun Na'na'at 2:37-38

an hay ihannotyu ya nan balun punnomnom ya pangat an malpun Apu Dios an miyunnudan hinan a'atna. Ya hay atigana ya nan maphod an pangat ta'uh nan ibba ta'un tagu ya nan pan'ugan ta'uh nan pumbahulan. Episu 4:24

Roma

Te an namin ta'u ya numbahul ta'u an ma"id ha ta'on hi ohan dita'u iha agge nangibahhoh nan pinhod Apu Dios hi atona. Ta hiya nan ma"id i dita'u ha maphod i Apu Dios. Roma 3:23

Te hiyah naey impa'innilan nan impitudo' Apu Dios an alyonay, Ma"id ha ta'on hi ohah tagu hi maphod di panigon Apu Dios i hiya. Roma 3:10

Te hay moltan di bahul ya ate an nan ihi"anan i Apu Dios hi inggana. Mu nan ihmo' Apu Dios ya nan itaguan ta'uh munnananong an gapuh nan nangabulutan ta'u i Jesu Kristu an hi Ap'apu ta'u. Roma 6:23

Din numbahulan din hopap di tagu ya hiyay natubdung ta an naminday tagu ya amod onda mumbahul. Ya gapu idiyen bahul ya nawaday ate ta hiya nan an namin di tagu ya mateda te gapuh nan numbahulanda. Roma 5:12

Hidin hopapnah din ma"id ni' ha pangulug ta'u ya ma"id ahan ha abalinan ta'un mangat hinan pohdon Apu Dios. Mu ta'on hi at hidi ya inyabulut Apu Dios hi Kristu ta inyate dita'un nabahulan hidin nadatngan di apatayana. Roma 5:6

Mu hi Apu Dios ya impatigonan nunnaud di naminhodnan dita'u te ta'on on ta'u nabahulan ya hinnagna damdamah Kristu ta iyate dita'u. Roma 5:8

An hiya ya Dios bo an ma"id ha adina abalinan te hay panginnilaan ya nan namahuanah din natayana. Roma 1:4

Te hi Kristu ya namahuan hidin natayana. Ot adi mo mabalin hi mumpidwan mate te inapputnay ate. Roma 6:9

Te hay mahapul ya ahi mabalin an mi'itagu ta'un Apu Dios ya hay e ta'u pangulugan an hi Kristu ya minahuan Apu Dios hidin natayana ya hiyay abuluton ta'uh Ap'apu hi un'unudon ta'u. Mu mahapul bon ibaga ta'uy kimmulugan ta'uh nan ibba ta'un tagu. Roma 10:9

Te impitudo'na tuwalin alyonay, An naminda nan immannung di eda pumpahmo'an i hiya ya diday mi'itagun hiya. Roma 10:13

Ot ad uwani ya ta'on on alinah patayon dita'u mu adi mabalin hi ihi"an dita'uh nan pamhod Apu Dios. Ya ta'on boy a'anghel onu nan udum an adi matigo ot ma"id ha abalinandan mamahbah hinan pamhod Apu Dios i dita'u. Ya at boh din ta'on di nganneh diyen ma'at i dita'uh ad uwani onu hi udum an algo ya hiyah diyen adi maluman nan pamhod Apu Dios i dita'u. Ya ta'on on nan wad lagud ya nan wad dalom onu nan kumpulnan nalmu ya adida abalinan an mangaan hinan pamhod Apu Dios i dita'u an gapuh nan nidduman ta'un Apu ta'un hi Jesu Kristu. Roma 8:38-39

Ama an wad abunyan

Ama an wad abunyan, phodonmin hay anabaktum di haphapiton di tatagu. Ya phodonmi bon he"ay mumpapto' i da'mi ta nan pohdom di ma'at hitun luta ta umat hi ad abunyan. Ya idatmu ni' di itanudmih ad uwani. Ya linglingom ni' bahan di bahulmi te teen linglingonmi boy bahul nan waday numbahulanan da'mi. Ya manghanom bahan di iyabulutmuh apatnaanmi ta wan adi ami mabalian hinan diyablu. Mateo 6:9-13